Ich bin wie du

Ich bin wie du

Noa vurrige weak die stinkgreune opgerold te hebben pakt Helje 3 nou auk de mannen oet Tegelen! 3-0

Umdet dr op vriedig unne broeloft waas woar un man of 5 van H3 acte de présence moste geave trainde Helje 3 veur unne kier op de donderdigoavend. Bobby dea vanaaf vriedig in Portugal zit veur zaken, keurt dit knikkend good. Royaal mit de zweep dr over, zonger det ut echt pien duit, want trainen is un hobby en we kriege genog herstel tied tiedens en noa de oefeningen. Lekker!

De broeloftgangers hebben zich samengepakt en zien zatterdig merge gezamenlijk op aanroaje van Bob un kleine 4 kilomeater goan rennen. Heerlijk! 

Zonnigmerge waas Helje 3 veur de twidde kier op rij volledig op sterkte, alhoewel er nog enkele wijzigingen plaats goan vinge, later heajover mier... De DJ van de daag waas Rob, boete unne hiele goaje boetespeuler heat Röbke auch de kwaliteit um de spanning oet de speulers te halen door de juuste, of juust neet de juuste snaar te rake. Ich bin wie du van Marianne Rosenberg waas dr eine dea noa zonne broeloft wel good valt. 
Helje 3 en Irene 2 beginne beide un bietje aaftastend aan de widstried, maar de mannen van Dörp kriege toch de beatere kansen. Un twietal aanvallen van H3 weare in de kiem gesmoord door de vlagger van Irene, wel of neet terecht?! (De auteur van dit artikel moog heaj gin verder gin oetspraken over doon, want angers wurd zien sjrieverslicentie ingenomen). In de 25e minuut geit Rob op avontuur en Tunke lupt dr mer achteraan um van kort beaj adviss te geave, zelluf!!! Det duit Rob allein wurd ut schot geblokt en de aafvallende bal kumpt veur de rechter van Tunke, 1-0 snoeihel korte hook zonger noa te dinke in ut daak van de goal! De widstried spult zich verder aaf op ut middenveld zonger det de beide teams echt gevierlijk weare. 

In de rust wisselt trainer Tiesse de 3 speulers die al de meeste minuten hebben gemakt. Frankie B, Rob en Tunke dr oet. Stoutjes vrugt zich hel op aaf of Tiesse ze wel allemoal op un rijtje heat en Roelie P moog zoch op ut middenveld melden, vingt hea auk hiel leuk… Trainer Tiesse most Rob trouwens wel dr oet halen want dr zoot ut rupsenplaag in de bumkes beaj Sjon! Mer good, kwaliteit genog in dit Helje 3 en zoe beginnen we de 2e hilluft. Irene dringt iets aan en kriegt get mogelijkheden, dankzij Roelie overleafe we deze minuten. Trainer Tiesse wilde gear un variantje mit unne corner en zoe spulde H3 in de 60e minuut de “baksteen” uit. Voorter mit noar veure gekome, kin ut via oeteindelijk un stiftje aafmaken en de 2-0 op ut perfecte moment op ut scorebord noteren. Irene 2 is gebroken en de widstried is gespeuld. Ut spelletje geit nog wel op en neer mit mier kansen veur Dörp dan veir Irene. Momentje van paniek veur H3 toen captain Boele noar ut hamstringetje greep, toch teveul motte dansen op de muziek van Charlie Lownoise en Mental Theo op de broeloft. Is auk topsport veur de jongens die neet oajer weare, mer zoals de Nicknakker zeet, we levellen up! Ving ut wel unne goaje trouwens! Deazelfse Nicknakker teikend noadet hea good vreaj dreajt trouwens nog keurig veur de 3-0. 
Noa aflaup dreijt DJ Rob nog enkele kneiters! Bierkapitain, Anton aus Tirol en zelf klanken van Ronnie Flex! Joa leazers we weare neat oajer, mer we levellen up!
Wir un goaje prestatie van de mannen van Helden 3, goaje wissels van Tiesse mit ziene goude pik. Ich zou zeggen nogmaals de zweep dr over en komende zonnig de groepswinst binnen proberen te halen tegen Boalder 2.