Ut is un kwestie van geduld...

In ut weekend van ut slotconcert van Rowen Heze steit deze zonnig de widstried teage de stinkgreune op de rol. De litste kier det we elkaar troffen waas tiedens de bekerronde begin september. Toen waren de punten veur de blauwe. Gans Dörp hoopt op un zelfde resultaat, allein aafgoande van de rangliest is greun dit kier de favoriet. App contact over en weer beaj Voorter en ziene sjoenbroor beteikend der dr wederom un vaatje beer op het spel steit.
Aangezeen Kerckeböske al volledig ingericht waas op de komst van de topspeulers van Estland, waas auk ut trainingsveld veur de verslaaggeaver van dienst verboden terrein. Helje 3 verkeerd immers neet in de biste vorm aafgoande op de litste resultaten. Coach Tiesse mos ff ziene kop leegmaken en waas zodoende ut ganse weekend aafwezig, lekker pik! Veldtrainer Bobby sjient de mannen van Dörp op un heerlijke manier op sjerp gezat te hebben. Nogmaals dr waas deze kier gin pers welkom beaj de training, want veur H3 waas/is ut 5 veur 12. Willen we dit joar nog enige rol goan speule, zullen we teage die greune un resultaat motte halen. Interim manager Piëters heat de taak um de mannen dit weekend zoë te begeleiden det we de neuzen allemoal de goaje richting op hebben. Nou zal dit teage Kepel neet zoe moeilijk zien, mer good.

De enige glimp van ut veredelde sterrenansamble die de verslaaggeaver van dinst op heat weite te vange, is noa aaflaup van de training. Doar zoog hea det ut toch wel good zaat mit de mannen van ut derde. Tiedens unne fiëstoavend dea in ut teiken stong van Movember gepaard mit ut vrouwen voetbal op de vriedigoavend, dus volle bak in de kantine. De boys hebben lekker stoan te pimpele en zelfs nog um natuurlijk ut goaje doel te steunen aan de Klopferkes gezeate (de greune fleskes werden natuurlijk wiggegeave). Redelijk relaxt noar de zonnig toe dus.

Op zonnig kwamen de mannen um 10:15 oor beajein, woarbeaj vermeld moog weare de de tegenstander al um 10 oor in ut kleidlokaal mos zitte. Toen waren dr welgeteld 4 man van H3 aanwezig. Kepel waas dus serieus vandaag en Dörp, aangevuld mit mannen van ut 2e team det wegens corona gevallen van de tegenstander un vreaj weekend heaj. Oh nea, die heaje gin aanvallers mier over want die mosten al beaj ut 1e mitdoon, dus we kregen Ties van de A dr vandaag beaj. Helaas is Helje 3 nog steeds zonger Sjors B en Rob (why always me?), en zelfs Stoutjes mos deze pot aan zich veurbeaj loate goan. Al mit al neet de minste die we motte missen, mer ut is teage Kepel, dus idderein dea dr wel is van blauw wit wat we motte doon! 

Interim manager Piëters wilt de opstilling nog neet bekind maken um idderein sjerp aan de warmimg-up te loate starten. (Kin aug zien det hea neet wis wat hea mos zeggen…) Al mit al un prima warming-up en einmaal truuk in ut kleidlokaal guft Piëters toch de opstilling. De enige tactische aanwiezing van vandaag is als volgt; “We speule tegen Kepel, en doar verlees ich lever neet van!”. Mier is dr auk neet nuddig, want idderein wit behalve de situatie op de rangliest, woar we vandaag tegen voetballen.
De widstried begint en beide teams tasten un bietje aaf. Dan is ut Dörp die get wier mogen komen en de kansjes kriege, de volgende minuten moog Kepel ut spel maken. Zoe geit ut de irste hilft op en neer, woarbeaj H3 via Ruben un dieke kans ein op ein op de Kepelse keeper kriegt, maar helaas de verkierde keuze makt. Jammer! Behalve get corners en sjeetkansen aan beide kanten gebeurd dr in de irste hilft neet veul. Twieje ploogen die aan elkaar gewaagd zien, en die allebei ut risico um echt door te drukken neet durven te nemen. 0-0

In de rust komen we dan auk tot de conclusie det ut nog neet ins zoe hiel slecht geit, mer det we auk gin onnudige risico’s motte nemen. Gewoen doorgoan, strijden veur ilke bal en de kansen komen vanzelf wel.

H3 det veurige weak de deksel op de neus kreeg tegen Ospel wilt dit nou ten koste van alles veurkomen. In de twidde hilft un bietje utzelfde beeld als in de irste. Over en weer enkele kansjes maar echt oetgespeulde kansen zien dr neet. Dan is ut moment doar wilke de widstried openbreakt. Un aanval van H3 welke 2x geblokt wurd en oeteindelijk beaj Tunke veur de veut kumpt, deze bedinkt zich gin moment en knalt de bal in ut netje. Helaas is Tunke gin 21 mier en brikt beaj deze actie ziene ruk. Maar ut is tegen Kepel dus we motte door! De prima speulende Max mot vlak heaj noa ut strijdtoneel verloate mit un blessure. Dit heat enkele umzittinge als gevolg maar trainer Piëters is good veurbereid. Mit de blessure van Tunke in de kop geit Piëters nog ff noar veld 2 um Marco Heijnen te sjartere veur in te vallen mocht ut nuddig zien. Want behalve Tunke, waren dr nog wel mier die aangetikt waren en/of last heaje, dus gin overbodige luxe um dr eine op de bank te hebben. Kepel geit mier druk zitten en heat mier balbezit en kumpt dr via de behendige linksboete inkele kiere gevierlijk oet. Via un kans aan de blauwe kank kumpt Kepel dr via unne counter op rechts good oet. De rechtsboete wilt unne veurzit geave maar deze valt per ongeluk binnen. 1-1. Pff Kepel is op dit moment de bovenliggende partij en ruukt blauw blood. De mannen van Dörp herleave de widstried van vurrige weak en vrezen ut ergste! Echt gevierlijk wurd Kepel gelukkig neet en via unne lange bal wurd Helje nog gevierlijk. Mit zo’n 10 minuten op de klok unne lange pass vanoet Dörpse kank. Deze valt op de rank 16 en de bal liekt veur ut Kepelse keeperke. Tunke geluift dr in en wilt druk zitten op de keeper. Op de achterlien zit Tunke unne tackle in maar geslepen als dea is hult hea in, keeperke sjrikt heaj van en durft de bal neet te trappen en springt zelfs zoe op det de bal richting de zijlien geit. Tunke hult de bal binnen en zuut det ut keeperke nog oet zien goal steit en bedinkt zich neet. De bal geit over alles wat greun is en de ingevallen Ties lupt de bal de mit de borst in de goal. Teage de verhoudingen op det moment in makt Dörp de 2-1. Boeit os det get? Nope, heerlijk! Mini Moijer wurd dr nog ingebracht um oorlog te maken en deze taak wurd mit verve volbracht. Eindsignaal, 2-1! Lekker man! H3 herpakt zich en kin eindelijk wir is un overwinnigspilske vatten. En ut vaatje bier van Kepelse kank smakt natuurlijk auk! Mesjien heaj deze widstried un geliekspel verdind, (al zullen ze dr in Kepel angers over dinke) makt det deze verslaaggeaver hielemoal gin kloete oet! Ondanks de enigsinds beperkte persvrijheid veur deze verslaaggeaver (besloten training en via via commentaar op het veurige verslaag teage Kepel) zit de biste man gewoen te wachten tot de pizza bezorgd wurd en dea nog mit unne pils de widstried van Max kin goan kieke. Neat det ut hum get boeit, mer ut is altied lekker als de goije wint! Net zoals vandaag!!

Man of the match: Daan de Neuker, mit de verkesstiften nog in de nek en in de oere, ging deze man op volle toeren! Ierlijk is ierlijk vandaag stong dr un team en waas dr ginne eine dea verzaakt heat! 

Sjoën Blauw 3 – Stink Greun 2 2-1

(Ps. Als dr wir commentaar is op dit verslaag, we traine op vriedig van 19:45 tot 21:15 oor. Doarnoa zit ich in de kantine, zeen we uch doar…)
PS. Wel QR code mitnemen!