Het leven is een toverbal

Un weak noa ozze late overwinning in en teage Maarheeze mochten we deze weak aantreaje in en teage Roggel. De thoeswidstried hebben die os al van eine 3 punter aaf weite te hoije. Dus we zien wir gewaarsjuwd.

Bobby kumt nog ff truuk op de aafgelaupe 2 widstriede en concludeerd doaroet det ut conditioneel allemoal wel good zit (tussen de oere) beaj Helje 3. Un puntje van kritiek is dr natuurlijk auk en det is als we un veursprong te pakken hebben det we dan gewoen motte blieve voetballen en neet de lange, vaak moeilijke, bal motte geave. Groete opkomst deze vriedig allein Stoutjes prefereert tequila boven trainen en Roelie P. Verkiest de petatte boven partijtje. Dus die weite wel hoelaat ut is. Banken op zonnig. De mannen van Helje 2 hebben dwingend gevroagd of ze eine speuler van os mochten liëne veur de widstried van heur teage de koplauper. Zelf kinne ze mer 10 eigen mannen opstillen vanwege langdurige vakantie, blessures of oversjrievingen noar ut irst. Hiel vervealend en wea willen doar bist in mitdinke. Allein zien wea zelf nog altied verwikkeld in un titelstrijd. Dus eigenlijk wilt neames mitdoon beaj 2. Ut twid heat natuurlijk auk zien belangen in de vorm van ut behalen van de noacompetitie dus Roelie P. wurd bereid gevongen um in plaats van ut bengske in Roggel, un basisplaats in Susteren te pakken. Opgelost.

Verder gin zorgen op zonnigmerge veur trainer Tiesse. Koeiekop heat zien dermprobleem op orde, maar mot aan de arbeid beaj sponsor Smelebos. Dan um 10:32 rupt Tiesse de mannen beaj ein um te goan. “Zien we dr wel allemoal?” “Nea gvd, kin ich wir alles um goan goije” foetert Tiesse. SmeerKees is warsjienlijk nog beaj de tennisclub aan ut gluren en is dr neet. Gelukkig is dr nog eine auto bereid um is ff polshoogte te goan neame beaj Kees. Hea waas al bijna op de voetbalclub. We vertikke in principe beaj de Pool dus det is un bietje vrimd. Maar Kees vong de informatievoorziening matig dit weekend. Maar good, ut is gebeurd (overkumpt dr wel mier). Tiesse past de opstilling aan en Kees moog samen mit Stoutjes in de dugout goan zitten.

Beaj Roggel steit vandaag zoeget ut halve veteranen ilftal in de basis. Hulde trouwens um wel te voetballen en ut neet aaf te doon mit un schriftelijke overwinning. Groet veld in Roggel dus doar mot Helje 3 wel gebroek van kinne maken. Al snel wurd auk duudelijk det wea de bovenliggende partij zien en det we veul ruumte kriege um te voetballen. Enkele speldenprikjes deile wea oet en we sjuuve steeds dichter op de goal van Roggel. Dan noa un good kwarteer kriegt Ruben via unne veurzit van Burb (mein ich) de bal veur de veut en frommelt de bal in de goal. Lekker redelijk vreug op veursprong. 5 minuten later wurd Ruben wir gelanceerd, dit kier via un bekeken boetekantje van Tunke, dea precies achter de verdediging valt. De keeper kumpt nog wel oet, mer Ruben is um (zoeals wel vaker dit seizoen) te snel aaf. Veur open goal prikt Ruben ziene 2e van vandaag dr in. Kort op de 0-2 wurs Sjors nog aangetikt van achter en de prima leidende scheids legt um op de stip. Ruben is nummero 5 dit seizoen dea ut moog goan proberenvanaaf 11 meater, en auk unne zuuvere hattrick te maken. Maar auk zoeals al vaker dit seizoen geit deze pingel dr neet in. Keeper pakt de neet hiel overtuigend ingesjote bal en zoe blieft ut 0-2. Kans op kans komen nog veurbeaj beaj H3, maar door gebrek aan overzicht of gewoen geilheid veur de goal te maken prikken we dr ginne mier in veur rust.

Boele guft aan de hea mit samengeknepe billetjes spult en det kumt neet (direct) door de spanning op ut veld. Maar hea geit wel door. Sjors guft aan det ut veur hum wel good is geweest. Vriedigoavend heat Sjors Helje 4 nog un hilft oetgholpen, dus det is eigenlijk wir unne ganze widstried dit weekend. Goed zo! Kees kin goan laupe en zal dr inkomen.

De twidde hilft komen we neet in de problemen, maar we breiden de veursprong neet verder oet. We speulde vaak de lange, moeilijke bal en we vergeate de ruumte te benutten die volop aanwezig waas. Ut verhaal van Bobby heat dus neet geholpen. Nog un paar groëte kansen weare um zeip geholpen door Tunke, Ruben, Kees en Timo. En as Tunke ut belke eine kier heaj breid gelag dan heaj Stoutjes 100% zeker gescoord. Stoutjes als aanvallende litste man in gebracht trouwens. Aug eamus mit lengte als ze de verdedigers van Roggel moogs geluive! Beaj unne corners geit Stoutjes mit noar veur; “Lit op doar kumt nog eine lange aan!” sjrieuwe die van Roggel. Ut zal wel aan de staar liggen of zoë, maar als ich Stoutjes mos umsjrieve dink ich neet direct aan zien lengte. De kans um hiele goije zaken te doon veur de Zoefie cup hebben we zeker loate liggen vandaag. In de irste hilft mot ut eigenlijk al 0-5 stoan en det waas neet geflatteerd geweest. Maar ut goije neajs kumt vandaag oet Kepél. Kin det? Huur ich uch dinke, joa det kin. Doar kwaam koplauper Bree op bezeuk en de vittige greune wisten thoes mit 1-0 te winnen. HuisDJ Burb mot de kneoter van Jordy van Loon dreaje. Het leven is een toverbal, knalt ontiegelijk hel door de speaker in ut kleidlokaal en de overwinningspils wurd wir lekker noar binnen gewerkt. De KNVB heat dan veul spanning wiggehald dit seizoen, maar de 4 plooge bovenaan maken ut samen wel spannend. Bree 39 punten, Dörp 38 en Kepél en Brevendia beide 36 punten. Nou mot idderein nog teage elkaar dus det zien veur alle teams nog 5 finales.

In de noabespreaking beaj de Pool ging ut overal en nergens um natuurlijk. De verbazing werd oetgesproke over unne oetslaag van Kepél 6 teage Bering 4, namelijk 0-30!!?? Burb ging ff reakene en kwaam noar 5 minuten tot de conclusie det dr wel ilke 2 minuten gescoord mot weare asse dr 30 maks. Lekker pik! Burb waas zoewiezoe un bietje van de kaart, want hea geluifde neet det Roelie ziene greune! Loader parkeerde op de Pool. Huh, dea mos toch beaj ut irst mitdoon? Good geluivige man dea Burb. De dorstige auge van Stoutjes (direct noa de widstried geconstateerd door Boele) werden good bedind mit lekker knuppels beaj de Pool. Roelie P. kos ut zoegezag neet loate um toch nog ff mit zien ploegmakkers un pilske te doon. Noa gedoane arbeid (ff petatte) is ut altied lekker lurke natuurlijk. Roelie kriegt natuurlijk wir te huure det ut zonger hum veul mekkelijker is en det we eindelijk wir is de nul weite te hoije. Kratser Roelie heat wir gin geld beaj en um dan irst te vroage of eamus hum get kin liene, pakt hea gewoen van ut stapeltje penningen van Stoutjes en Tunke. Nou ja, loat maar goan. Dan geit de tillefoon van Roelie. “Wimke” belt. De rest aan de toafel geit dr direct vanoet (en hoopt auk un bietje) det ut Winke van ut twid is, um te vroage of dea volgende weak wir mitduit. Maar niks is minder woar, ut is mooder Will. De petatte zien kloar!

Volgende weak zonnig kumt Brevendia beaj os op bezeuk en goan wea proberen recht te zitten, wat in de irste widstried van ut seizoen neet is gelukt. Det zal um hiele opgave weare! Wat trouwens auk un hiele opgave is. Un nachtkesje in elkaar zitten asse un knuppelke of 8 achter de kiezen heas!

Tot volgende weak! Komt allen!