Fileeke op de plaat!

Op zonnig heat trainer Tiesse in principe weinig kopzorgen. Behalve Sjors is idderein aanwezig vandaag. Tenminste det waas de bedoeling. Roelie P. zou zien maagproblemen hebben overwonnen, maar ut hobbelige zankpaad van ut kwistbeekdal zorgt toch wir veur get bubbels in de derm. Resultaat de fiets vol… Ginne Roelie P. vandaag dus. In de warming up guft Struip aan det hea neet fot genog is um te starten. Edje heaj neet getraind, maar moog dus toch beginnen vandaag. ScoopyStan is dr vandaag auk wir beaj, noadet hea begin september vakkundig oet de (oefen??)widstried is getrapt. Daan de neuker makt de bank compleet. 2 dagen slotconcert en de verkesstift nog in de hoar. Lekker man!

De widstried begint en eigenlijk direct is duudelijk det H3 oet un anger vaatje tapt dan un weak ierder. De aafstumming is nog neet gans op orde, want ut middenveld steit eigenlijk iets te hoejg en de angers altied good georganiseerde achterhoede is auk neet hielemoal lekker aafgestumd. Dit wurd pienlijk duudelijk als IVO unne inworp kriegt. Deze wurd door Frankie doorgekupt noadet hea un klein duwtje in de ruk kriegt. De bal wurd opgepikt en un vreaje doortocht noar Pis is ut gevolg van de verkierde aafstand tussen ozze verdedigers. Voorter kin/durft neet in te griepe en de 0-1 is un feit. Dan liekt Helje ut iets kwiet te zien. En IVO wilt dan doordrukken. Via unne veurzit over de gronk, prikt de spits de bal richting goal. Pis zit dr nog aan, en in twidde instantie tikt hea de bal nog van de lien. Tenminste det is ut oordeel van alles wat Dörp is. IVO is ut heaj uiteraard neet mit ins. Tja… de verslaaggeaver stong dr zelf redelijk dicht beaj en dacht det de bal neet hielemoal over de lien waas. Supporter die auk langs de goal stongen hebben toch gezeen det de bal wel over de lien waas. Geluk veur H3 dus. Ierder in de widstried leet de vlagger van Velden auk zeen det in of oet lastig te bepalen is. Tot 3x toe vlagt hea unne bal aaf dea binnen waas. Dus un klein bietje karma is ut dan toch wel. Overigens via ozze zijkanten zien we steeds gevierlijker aan ut weare. Helaas missen we dan wir de sjerpte um dea bal aaf te maken. Of de bezittimg veur de goal is neet good woardoor de kans verkeken is. Dan zit Rob nog unne kier aan en dea wurd binnen de 16 aangetikt. Penalty! Captain Tunke geit achter de bal stoan en keeperke mint det de bal wir angers mot liggen en verplaats de bal maar wir. Dan nummerke 10 van IVO, warsjienlijk net 9 joar oad of zoe. Dea mint mit un angere versie van heksenpoeier Tunke van slaag te bringe. Overigens dea hea dit auk al beaj ilke vreaje trap door ut maken van hiele rare geluidem. Resultaat 1-1 en nog un scheldkannonade van Tunke richting de nr 10. Is dit good, nea. Is dit lekker, jazeker! IVO lut heur ware aard zeen en auk de “supporters” meine zich dr mit te motte bemeuje. Klasse. Noa ut litste fluitje in de irste hilft wird dr over en weer nog get gesjrieuwd en gezannikt. Nou ja, huurt dr beaj zullen we maar zeggen.

In de rust kin idderein wir ff aafkoelen en beaj komen van unne redelijk tumultueuze irste hilft. 1-1 en wea komen steeds beater in de widstried. Neet gek loate maken en dan mot ut good komen.

Nog gin wissels en we beginnen aan de twidde hilft. H3 is eigenlijk heer en meester in de irste 30 minuten van deze hilft. En via un afstandsschot van de Nicknack komen we op 2-1. Nou kinne wea doordrukken en proberen we de 3-1 te maken. Helaas lukt dit neet en zoe zal ut spannend blieve. Struip is dr al ingekomen en auk ScoopyStan en Peute maken hun opwachting. Dan mint de nr 9 van IVO nog det un elleboogje tussen de ribben van Tunke beaj voetballen huurt. Heerlijk! Ik heb echt good gesloape, dank doarveur. Maar we heaje alle wissels al op dus Tunke mos door. Helden liekt de overwinning over de streep te trikke. Maar oet ein van de spaarzame aanvallen van IVO kriegt de speuler aan de linkerkank alle tied um de crossbal te geave. De behemdige rechtsboete nimt de bal aan en Peute glijd oet en de boetespeuler makt door handog gebroek van. Scheidsrechter kan neet angers dan de bal op de stip leggen. Auk heaj wurd neet gefaald en de stand geit noar 2-2. Dan flut de scheids redelijk snel aaf.

Oeteindelijk unne terechte oetslaag, maar als ut 5 minuten veur tied nog 2-1 steit is ut geveul natuurlijk neet zoë. H3 en auk IVO blieve heajdoor allebei nog ongeslagen. H3 zal nog 2 punten motte halen um zeker te zien van de gedroomde kampioenspoule. Volgende weak hebben we wir vreaj. Super KNVB kloet mer lekker get aan. Idderein heat de fiëstdagen in het veurjoar alvast vreaj gevroagt veur de verplichte vreat aafsprake en of werk. Want het geit dr verdacht veul op lieke det deze “vreaje” dagen gebroekt goan weare um de twidde competitiehilft aaf te maken. Maar good, ich dink neet det dr auk mer eine KNVB functionaris dit verslaag least, maar mesjien is ut wel un idee um unne brandbreef op te stillen samen mit angere verenigingen in de 2e reserve klasse. Want zoe links en rechts huure wea det dr neet allein beaj os onvrede is over deze competitieopzit. Ich goan wir lekker op de bank liggen en proberen get sloap in te halen.

Till the next!

Ps. Veur nr 10 van IVO kiek ff noar de foto’s Doar steit unne regel dea op dich van toepassing is. Heaje we aafgesproken in de widstried…