Kabouter Lui?

 

Deze druilerige morgen steit de widstried teagen Sparta’18 op de rol. De mannen oet Zaerum weare op veurhank door os auk un plaatsje beaj de irste 4 toebedild. Heure valse start van vurrige weak duit doar verder niks aan aaf. Ut geit unne zwoare weare wir vandaag. Dit kin ik ilke weak sjrieve trouwens, alleen teage FCV 2 zou ik durven zeggen det we ut beater digitaal aaf kinne doon. Oh wacht! Inmiddels is het bericht binnengekomen det ut 2e ilftal van de booming club oet de stad zich truuk getrokken heat. Lekker man! KNVB ich moog toch hopen ondanks de puinhaup dea gea aan ut maken ziet in de 2e reserve klasse (prestatief, mit vreaje insjrieving auk volgend joar) dit neet zoe maar ter kennisneming aannimt. 4 seizoenen oetsloete veur insjrieving in de 2e klasse of zoe. Want als dit zoe maar toegeloate wurd dan kinne we mesjien beater mit zien alle goan handboogsjeete (dit is inkel un veurbeeld van un iets minder beoefende sport en ich probeer neamus heaj mit te kwetsen). Oke ich dwaal wir ff aaf, truuk noa de zonnigmerge. Op ut moment det de meeste H3 speulers aanstalte willen maken um richting Kerckeböske te goan, meine de weergoden ut veld nog un extra laagje water te geave. Geit ut door of neet? Aangezeen ozze competitie al eine gatenkiës is mit vreaje weekenden, hoove de meeste dr deze zonnig neet auk nog beaj. Voetballen dus! De warming up mochten we doon op boete bad 1. Als ut veld dr zoe beaj likt dan blieft heaj niks van over noa 90 minuten voetbal. Gelukkig kriegt veld 4 ut water iets beater verwerkt dan ut trainingsveld en likt det dr eigenlijk prima beaj.

Helje 3 kampte vurrige weak nog mit un redelijk volle ziekenboeg en gelukkig kreeg trainer Tiesse good neajs. Roelie P(irlo) en Rob zouden zonnig wir minuten kinnen maken. Helaas is ozze Nicknack neet ongehavend oet de strijd teage Boalder gekomen en kin dr dus neet beaj zien. Op vriedig kumt doar nog ut zorgwekkende bericht van Edje det hea geveld is door “ut virus” en auk hea is dr neet beaj dit weekend. Nou det is 2/3 van os middenveldersgilde. Knippe, plekke en sjuuve wir veur Tiesse. Oeteindelijk hebben wea ut geluk det H2 un weekend vreaj heat en Tegel is zoe sjappelijk um neet hielemoal de hik in te goan op zatterdig en op zonnig os middenveld aan te vullen.

In ut begin wurd duudelijk det Dörp en Zaerum un bietje de zelfde spelinstilling hebben. Proberen te voetballen, maar auk aafwisselen mit unne lange bal vanoet achter. Auk wurd duudelijk det de aafstumming beaj de ezels beater is dan beaj de Dörper ezels. Ut lupt neet veur Helje 3 vandaag en ondanks det dr beaj balverlees hel gewerkt wurd kriege we gin vat op de widstried. In de 35e minuut valt dan auk de 0-1. Via de zijkank moog de veurzit te gemekkelijk gegeave weare en beaj de 2e poal weare 2 verdedigers en ozze keeper aafgetroefd. Jammer, want boete ut feit det we neet in de widstried zoote, goove we eigenlijk niks wig. Oppeppende oneliners vleege wir um de oere en Dörp probeert zich te herpakken. Greek heaj en zannik doar als duudelijk wurd det ut wonder neet is gebeurd en we nog steeds slordig aan de bal zien. In de 42e minuut steit Tegel achter de bal veur unne vreaje trap aan de rechter boete kank. De hoejge veurzit wird volledig verkierd ingesjat door de Zaerumse keeper. En de bal stuutert zoe de goal in. 1-1 net veur rust det is lekker, zal dit veur de kentering zorgen in de twidde hilft? Sterker nog zeg maar in de irste hilft. In de 45e minuut heat Ruben zien brummerke wir oet de graasj gehald en jakkerd als vanouds neave alles en idderein van de tegenstander. Veurzit en Ties stapt over de bal en rapper Sjors prikt de bal binnen. 2-1 en de scheids flut direct aaf. Hielemoal lekker de rust in dus.

De hossana stemming wurd al gauw de kop in gedrukt door de immer zannikende trainer Tiesse. Overigens dit kier volledig terecht. Ut waas un hiele slechte irste hilft in balbezit en auk de aafstumming op ut veld klopte van gin kank. Rapper Sjors heat teveul last van unne bal in zien edele delen en Burb moog ondanks det hea ut prima deej vandaag auk goan douche. Rob en Peute mogen zich werm maken veur de 2e hilft.

In de twidde hilft kantelt de widstried dan toch noar de Dörpers. Sparta zit get mier druk op zeuk noar de geliekmaker, woardoor de ruumtes grotter weare en Helje doar prima gebroek van makt. Solide verdediging en inleveren beaj ut middenveld en of de boetespeulers. Noa un 20 minuten speule wurd de gretigheid van Dörp duudelijk. Doar woar de grens van Sparta al vlagde veur unne achterbal gingen de blauwe door en via Ruben maken we dan auk de 3-1. Scheidsie lut de vlagger (dea trouwens noa de widstried aangoof det de bal inderdaad neet achter waas) stoan. Hoppa det guft get rust. Helje controleerd de widstried en kabouter Lui moog auk op ut bengske goan rusten. Nea Struip waas alles behalve lui vandaag en wurd steeds fitter en belangriek veur os. Roelie P(irlo) moog op zien favoriete plekkie stoan en moog mit passjes goan strooien. Rob flitst op links auk idderein veurbeaj en kin ut belke aafleggen op Ruben of Ties, maar hea geit veur eigen succes. Dit waas dus gin succes! Oei doar heaj de widstried op slot gemotte. Keeper Roelie mint det ut allemoal nog te gemekkelijk geit en wilt get mier spanning in de widstried. Unne vreaje trap van Zaerum kumpt recht op Roelie aaf en dr is ginne speuler in de buurt, maar helaas Pis zit mis. Ozze overigens good keepende keeper dit joar bokst de bal helaas in eigen goal. Pff woar we mit 4-1 de litste 10 minuten in motte goan steit ut nou 3-2. We kinne os goan opmaken veur unne storm van Sparta, maar hiel ierlijk blieft dea beaj un normale code geel van ut KNMI. Ut liekt hiel get, mer oeteindelijk valt ut allemoal mit. Boete un paar corners gebeurt dr neet hiel veul beaj ozze goal. Via unne lange pass vanoet achter kumpt Rob in de 16 en dea lut zich vloeren binnen de lienkes. Scheids wiest noar de stip en dus moog Tunke aanleggen vanaaf de 11 meater. 4-2 en mit nog un paar minuten op de klok liekt de twidde 3-punter binnen te zien. Behalve un mislukt boetekantje van Pirlo is dr niks noemenswaardig mier te vermelden. 6 oet 2 is un feit en det is bijzonder knap te neume veur os 3e.

De verslaaggeaver kos deze weak helaas neet in de kantine blieve maar via zien connecties kriegt hea door det de topografische kennis van de Nicknack duudelijk in orde is. De formule 1 van Singapore is in Portugal. Sjilt maar un kleine 12.000 km maar prima. Volgende weak ffkes rust en dan mogen we de weak dr op thoes aantreaje teagen SC Irene 2. Veldtrainer Bobby guft aan det we in verband met ut vreaje weekend un rustige training kriege, wat doar van woar is zal vriedig blieke… Hopelijk is de ziekenboeg dan wir get kleiner!

Ciao ciao!