Droevig

Biste minse,

Allerirst wil ich mich vast verontsjuldigen veur dit waarsjienlijk bizar droevige verslaag. Ich zit heaj mit 2 brudjes frikandel veur mich te bedinken wat ich mot sjrieve. Ich kin wel zeggen det de bbq fantastisch waas, mer echt weite doon ich det neet. Behalve ein kiepfileeke en un stokbroed heb ich eigenlijk niks gehad. Want ja, bbq en eate kin altied. Beer zoepe in de kantine is natuurlijk maar ins in de zoeveul tied. Doarbeaj waas ut veur de heren (en dames van de heren) auk nog ins gratis pilzen. Veldtrainer Bobby en de sponsoren heaje ut geweldige idee um 2 vaaten wig te geave. Dank doarveur! 

Mer nou mer irst ff noar ut begin. Uiteraard op de vriedigoavend. Ut veule laupwerk van un weak geleje heat trainer Bobby mer geschrapt. Un lekker rondootje en un positiespelke mit goals. Aafwerken en un partij. Klaar. Gewoen ff lekker. 

Op de zonnige zonnigmerge heat Tiesse 12 man ter beschikking. Struip is H2 oet aan ut helpen en dea zal later nog aansloete. Zoe huurt ut. Helpen woar ut kin. En wea zien Struip natuurlijk leever kwoet dan riek... Dus ut mets snied aan twieje kanten. Grapje natuurlijk. 

Unne prima warming up op un werkelijk dramatisch oetgezat veldje (lekker Koeiekop). Veld 2 is auk nog iets minder dan det veld 3 is, maar goed oeteindelijk dus unne prima warming up.

Gauw noar binnen en nog ff noat de opbeurende teksten van de immer goodgemutste Tiesse luustere. We neeme vandaag thoes aafsjied van 4 speulers en eine veldtrainer dus veur die 5 mannen motte we un good resultaat halen. Oh en de pils smakt alties beater mit 3 punten in de tes. Wat unne flauwekul, pils smakt eigenlijk altied good, al twiefel ik dr aan of dea mich nou smakt... Maar oke, ut is duudelijk we speule noar de slechte start eigenlijk nergems mier um, maar we willen wel mit un good geveul dit seizoen eindigen. Dus doar goan we veur.

Ut irste kwarteer is als vanouds. Snel spel, dreiging en un goije organisatie. We scoren via Ruben de 1-0 en ut is eigenlijk wachten op de 2-0. Maar dea valt neet en de controle glipt os auk un bietje wig. Te weinig beweging, ut veld te groët, lange ballen en snel balverlees. Ut sjilt det IVO dr neet hiel veul tegenover stilt, maar we geave wel get kansjes wig. We zien dan auk bleaj det we kinnen rusten mit un 1-0 veursprong.

Ff de koppen beajein en un anger strijdplan maken.
We spreake aaf um get hoejger te goan stoan un zoe mier druk te zitte op de neet al te beste achterhoede van IVO en um zelf mier initiatief te kriege. 

Dit liekt good oet te pakken, maar auk nou scoren we neet. Wel hebben we de widstried mier onger controle, maar mit 1-0 witse ut noeit. Weam angers dan ozze Ties knikt noa un hood oor speule de 2-0 binnen. Als un paar minuten later Frenkie nog de 3-0 makt zitten we op roëze.  5 minuten later is ut via un lne perfect genomen vreaje trap dan toch aan de angere kank raak. 3-1. Tied um in te griepe veur Tiesse. Roelie P. moog dan eindelijk zien litste meaters maken noar de zij lien. Kameroad Voorter moog nog un 20 minuten mitdoon in auk ziene litste thoes widstried. Wir 10 minuten later moog auk keeper Pis zien handsjoon oetdoon en kumt ziene vervanger Sam dr in. Auk Pis zwaait noa dit joar aaf! Nog eine kier kumt IVO veur de goal en prikken ze de 3-2 binnen. Als we mier wissels heaje gehad dan waas Edje dr auk nog vanaaf gehald, maar ja det heaje we dus neet. Edje is nummer 4 van de stoppers beaj H3 en dea hult ut noar 1 seizoen veur gezeen. De 35 joar beaj H1 hebben toch zien tol geëist beaj de marathon man. Jammer, veur os maar un begriepelijke keuze. 

Voorter heat auk zien fysieke ongemakken en umdet angere um zich heen stoppen, stopt hea auk maar... Oh en um get mier thoes te zien, det auk.

Roelie Pis heat auk un lange carriere in Dörp dr op zitten en auk de sjouwers, inkels, kneen enz enz willen neet mier echt. Beajkomend feit det hea eind deze mandj veur de irste kier vader moog weare makt de keuze um te stoppen auk begriepelijk.

Wat natuurlijk wel onbegriepelijk is, is det Roelie P(irlo) nou geit stoppen. Det heaj dea natuurlijk al 15 joar geleeje motte doon! Beaj hum zit auk de drukte thoes, werk en unne twidde op komst aardig in de weeg van zien voetbalplezeer. Altied mer greke det hea mot trainen. Maar als de training dan aaf is, neet noar hoes kinne goan... Heul raar!

Dan goan we auk aafsjied nemen van veldtrainer Bobby. Tja wat mosse doar nou van zeggen... Toen wea un aantal joare truuk mit 5 man un stapje truuk deaje vanoet de selectie waas nog niks bekind over unne veldtrainer. Buurman Koeiekop kos (zoals wel vaker) ziene kop neet hoije en mos toch ff over de sjutting kwiet det Tiesse en hea wel mit unne hiel verassende naam bezig waren. Nea, zei hea noa ut irste belletje. Maar bel mich volgende weak nog maar unne kier op. Un belletje later en unne date beaj de Zoes zorgde dr veur det Tiesse en Koeiekop, de groëte Bobby heaje weite te strikken. Al 10 joar mit trainerspensioen en veur altied aafsjied genome. Maar als Koeiekop, de zoon van Bart van de zankberg, ja als die get vroage dan kinse gin nea zeggen. En zoe begos veur Bobby en auk veur os ut avontuur op de vriedigoavend. Idderein dea onger Bobby heat mogen trainen zei utzelfde; toptrainer en wereldvent! En als ik truuk kiek op de afgelaupe joare dan kan ich mich doar eigenlijk allein maar beaj aansloete. Ut waas altied un fiëst um aan de trainingen deil te mogen neame, als ik veur michzelf proat. En wat ozze tegenstanders in 2x in de wek doon motte wea ut in 1x doon umdet wea mer 1x trainen. En onger ut mom van alse get duis, mosse ut auk good doon, zien we dr toch wel redelijk in geslaagd um onger de leiding van Bobby, Tiesse en Koeiekop um aardig weerstand te bieden aan 2e ilftallen. Mit natuurlijk vurrig joar ut hoejgtepunt ut kampioensjap in de 3e reserve klasse. 

Dr is unne tied van komen en goan en dus motte we helaas volgend joar verder zonger deze 5 klasbakken. Zorg veur de trainers en de overige speulers um volgend joar wederom boven os zelf oet te stijgen en veural mit veul plezeer op de zonnigmerge un belke te trappen. En hopelijk weite we nog eemus te strikken dea dit zooitje ongeregeld op vriedigoavend get pionen en oefeningen veursjotteld. 

De BBQ waas zoals gezag dink ich prima. Ut beer waas good en ut waas wir un prima fiske! Ich zou natuurlijk nog vanalles kinne vertille over wat dr allemoal wel en neet is gebeurd, maar ich weit dr gewoën echt gin zak mier van...

Volgende weak nog ff noar kampioen Bruheze en dan zit ut dr hielemoal op veur H3. Hopen det de selectie ilftallen ut allebei goan redden. Natuurlijk moogse dr opmerkingen en of un meining over hebben, maar ich dink zelf det un club als Helje dr niks aan heat um van binne oet belachelijk gemakt te weare. Idderein duit zien bist op zien of heur manier. Prestatief of recreatief, gewoen lekker ballen en veul beer zoepe. En dan angere verenigingen belachelijk maken, det is veul sjonder!

Till the next!