Oet un anger vaatje tappen

In verbank mit de kermis hebben we dees weak op de donderdig getraind. Of ja getraind? We zien ff bezig geweest mit unne bal. Unne bal? Ja we hebben links en rechts get ballen beajein weite te vinge umdet "os" bel door de Jo19 in gebroek waren. Snel vergeate en door noar ut weekend. 

Mit 42 pils of 42 km in de bein melden we os zonnigmerge in os clubhoes. Vandaag de widstried teage ozze "vrienden" van TSC'04 2. Umdet deze widstried beaj de KNVB aangeduid is als unne risico widstried kumt dr zelfs beaj aafmelding van de KNVB scheids unne angere KNVB scheids. Prima geregeld dus. 

We beginnen uitermate slap aan de widstried. Det waas natuurlijk wel te verwachten noa un slappe training en unne redelijk slappe warming up. Duels goan we oet de weeg en dr zit weinig rust in os spel. Ut waas eigenlijk zoe slecht det ich allein kan melden det de bezeukers 2x scoren en wea dr 1 goaltje tegenover stille. Gemakt door Kees. 

In de rust proberen we de kupkes wir umhoejg te kriege en de sjrik oet de bein te halen. We spreake aaf um bijna overal druk te goan zitte en zoe proberen we te zorgen det de speultuin van de irste hilft gesloten is voor de bezeukers oet Tegele. Dit liekt zien doel te bereiken en we speule os mier in de widstried. Kansen hebben we eigenlijk neet mier wig gegeave en via Kees heaje we nog unne dieke kans op de geliekmaker. Voorter probeert nog mit unne umhaal (zonger te vallen) te scoren, maar helaas geit deze poging net over. Captain pakt nog ff 2 geale kaarten wegens commentaar op de scheids en kin dus inrukken. Stom, maar auk deze man wilt det dr mit 1 moat gemeate wurd. Doar woar ozze gasten tot 4 kier toe gemaand weare um wig te laupe en de kop te hoije, geit de leidsman beaj os direct op zien strepen stoan. Oke prima. Mit 10 man lukt ut de litste 10 minuutjes auk neet mier um unne spreakwoordelijke voest te maken en is de nederlaanlg un feit. 

Mit de kermis nog op ut programma heat de fiëstcommissie ut twidde verjeurdaagsvaat aangesloten. Wat un drukte in de tent en wat un zoepgeweld wir. Verslaaggeaver van dinst heat ut neet laat gemakt. Um 19:30 loog hea lekker in zien bid. De paar eurkes det hea nog mit heat gemakt waas ut wir lachen, gieren en brullen. Als we de vorm van de tent um kinnen zitten noar ut veld, dan kumt ut allemoal wel wir good. Aankomende donderdig steit de oetwidstried teage Ospel op ut programma. Un ploog woar wea nog wel get teage good te maken hebben. Tunke is dr wegens un sjorsing neet beaj en de Nicknack zit veurluipig nog in de lappenmank. Hopelijk kumt de rest zonger kleersjeure oet de kermis en kinnen we donderdigoavend 3 punten beaj sjrieve.

Ich goan nog ff get penningen inwissele! Toedeledokie!

Ps. Mickey wederom bedankt veur ut oethelpe!