Ctrl Alt Del

Beste lezers en lezerinnen,

Aafgelaupe donderdig hebben wea ongenadig hel over de kloëte gekregen van Ospel 2. De verlaaggeaver van dinst waas veur alle taken gesjorst in de widstried doar veur dus vandaar auk gin verslaag. Neet det ut persé nuddig us um get doar over te sjrieve want, dramatisch! 5-1 dikke doei! Guus en Hicham bedankt um os oet te helpe!

Deze zonnig mochten we aantreaje tegen Merefeldia 2. Zonger training in de bein en mit ut slechte geveul van donderdig motte we dr toch wor tegenaan. Eddie en Tunke zien dr wir beaj maar Struip en Sjors motte verstek loate goan. Newly wed Pedro (van ut twid vreuger) is bereid os oet te helpen. Mit 13 man sterk trikke wea ten strijde noar Neaj- Wirtj. 

De van de mannengriep herstelde trainer Tiesse probeert mit unne positieve speech de mannen mit de neuzen wir dezelfde kank op te loate rennen. Dit liekt auk hielemoal te gebeuren in de irste hilft. Wat un voetbalfiëst! 1-2tjes, lobjes, passes over 50 meater, goals enz enz. Ging dr dan niks mis? Joa natuurlijk wel. Aafgekeurde goal(s) woar un rendje van kutvlagger aan hangt. Gemiste pingel van captain, en natuurlijk kunstgraas. Nea det litste is neet gans woar, want ut waas un prima kunstmatige speulmat vandaag. Maar lever gewoen graas als dr ginne reagen valt en ut 16/17 graden is. Al mit al 45 minuten lange dominantie vanoet de blauwe kank. En dan is ut lekker voetballen heb ich vernomen van bronnen die dicht beaj de verslaaggeaver stoan. 0-2 de rust in, woar 0-5 of 0-6 neet heaj misstoan.

De hosanna stemming in de rust is/waas te begriepe en dr wurd wir vollop gelache. Mini assistent Senn (van Pedro) pakt auk nog ff zien momentje of fame. Maar snoepjes guft dea zeker neet aaf, en geliek heat hea! Gewoon doorgaan zou Barry Stevens gezag hebben en zoe auk Tiessie. Gin vuiltje aan de lucht!

Dan de twidde hilft! 

Wat un drama! Merelfeldia kumt truuk tot 2-2. En H3 lut zich compleet in de tes zeike. Of ja, van ellende zeike we os zelf in de tes! Man man man, oei oei oei! Gelukkig pakken we net veur tied via de ontketende Ties nog de 3 punter mit noar hoes. 2-3 eindstand! Ongeluifelijk! 

In ut kort; irste hilft fantastisch en top det ozze spits Ties 2 kier scoort. 2e hilft sjandalig en top det ozze spits Ties 1x scoort.

Nog korter; SuperTies!

Kortst; Ties!

Till the next!