Kesselse kneuk

DFEC4C3C-DDA0-4487-A626-E80572BF1002

Vandaag stong de joarlijkse kraker tegen Kessel 4 op de planning. Zoe als idder joar wir mit de bus. Wonger boven wonger stond idderein um 9 oor kloar bij de pool woar de chauffeur van maasdal de kortste rit van zien leave deed.

Um 10 oor begos de widstried en eigenlijk waar dr vanaaf t begin gewoen gin kut aan. Helje waar wel soms gevierlijk maar elkes kier zoot er wel ergens n kesselse knook tussen. Gelukkig waar de gemiddelde kesselse knook vandaag nog oajer dan t kastiel. Tot de rust zien we eigenlijk ouk neet veul verder gekomen dan n paar kanonskogels van Sjers en n waardeloze vrije trap van Boone.

Umdet de irste helft zoe dramatisch waar lepen we eigenlijk vol goeie moed de kantien binnen. Allein wisten ze t in Kessel kloar te kriege um mig doa nog mier te leur te stellen als op t veld. Op aanraden van de biste kastelijn van durp en de biste zoeplap van durp besteld we os un gouveneur nogwat. Smakte nergens noa kreeg er nog neetins n glaas bij oftewel net n widstried van Kessel 4, slap en zonger smaak.

Mit frisse tegenzin toch maar noar de twidde heldt goan kieke. Ut begos eigenlijk net wie de irste en t leek hielemoal nergens op. Maar gelukkig deed voorbeeld scheids en verantwoordelijkste man van Helden 6 Moijer n poging um get spektakel op t veld te bringe. Normaal bin ik van Moijer gewend um m dan van 25 meater er in te jaage maar deze weak koos hea veur n potje oajerwets noatrappe. Persoenlijk bin ik heij ouk fan van maar helaas dacht ozze slechtbehaarde leidsman doa angers over. Rode kaart, inrukken. Vanaaf det moment stond Max Vinicius er eigenlijk allein veur, dus nogsteeds waar de overwinning binnen handbereik. Ongeveer 20 minuten noa rust kwamen we dan ouk 1-0 veur door n goal van Sunt op aangeave van Vinicius. Mit 10 man leek Helden wel sterker dan mit 11. De kansen veur Helden bleven dan ouk komen maar Vinicius bleef ze 1 veur 1 t vangnet in jagen. Gelukkig waas er aan Kesselse kant ein eemes zoe sportief gevonge um ouk ef vrijwillig op de bank te goan zitten. Vanoet Heldense kant werd er n lange bal gegeave op Thijs woar Melonie dacht det de aan de noodrem mos trekken en um mit de hand oet de lucht haalde. Woar de gin reakening meij heij gehoaje is det Thijs nog 40 meater en 5 Kesselse veurbij mos. Onder luid applaus van Herman ging Melonie rustig in de dugout zitten. Mit 10 tegen 10 bleef Helden eigenlijk de bovenliggende partij. Umdet Helden allein nog Max Vinicipruts in de spits heij gebeurde er vrij weinig dus daarum besloot ze angere Max (neet te verwarren met Philipp) um mer us op goal te sjeete. Hea kwaam helaas neet verder dan de poal, tering en kut. Umdet Helden zoe ongeluifelijk good bleef speulen sloog bij unne Kesselse volledig de stoppen door. Recht vur de dugout van Helden besloot hea Max (alwir neet te verwarren met Philipp) van achter doormidden te zagen. Snuif Sunt stormde de dugout oet maar kos gelukkig tegen weare gehoaje door Frenske. Zoe heet Frenske in 5 seconde op de bank al mier beteikend dan 15 joar in t veld. Noa de roeie kaart van Moijer wist de scheids zien kaarten te vingen dus kos ouk deze man inrukken. Mit 10 tegen 10 werd de wedstried eigenlijk vrij rustig oetgevoetbald tot de volgende Kesselse zich meldde um Max (nogsteeds neet Philipp) doormidden te zagen. Ouk deze verdeende wir roed allein deed de scheids er verstandig aan um mer gewoen aaf te fluiten. 1-0 gewonnen, samen de kantine in en hopelijk morge nog allemoal leavend. Op t moment van typen stoa ik in de Boesjer en steit Boone achter de sjuuf, t kin slechter.

Zoe als n wies man oet Kessel oeit zeij: Ajuu de mazzel.