Strikken is prikken

 

Dames en heren,

We goan uch vandaag wir un stukske mitneme in het weekend van Helje 3. Ut zal beaj alle voetbalteams wel utzelfde zien, maar wat dr beaj H3 allemoal gebeurt en veural gezag wurd, werkelijk woar! Ut sjient zelfs zoe te zien det SBS al contact heat opgenome mit VV Helden. Ze willen os proberen te strikken um dea versjrikkelijke Martien Meiland (ving ich eigenlijk neet, mer det zuut ruig oet in ut verslaag) te vervangen. Zuut gea ut al veur uch; De Nicknack samen mit Kees ut daak op van de kantine um ff de daakpannen recht te leggen. Of Voorter dea unne oavend as dj mot dreaje op ein of angere broeloft. Stoutjes dea zich hielemoal vol lut laupe beaj un wienpreuverij. Ich snap SBS wel!

Dan ff truuk noar de vriedigoavend, woar Bobby wir oet zien trainersbukske un prachtige oefening heet gekoze als verlengde warming up. Veld 2 likt dr nog beater beaj dan vurrige weak, door de “supercell” die in de middig over Helje is geraasd is ut veld nog lekker vochtig. Bekker heat de deure van de vreatsjeur woar hea werkt op tied dicht gegoijd, dus ruum op tied veur de groëte partij. Al mit al wir un heerlijke training. Zelfs asse van te veure unne pils of 4-5 wig tiks. Gewoen overheen zitte en traine! Vruhger zat gedoan!

Noa de training heaje Boele en Stoutjes bardinst, allein heaj Stoutjes un dubbele boeking en dus mocht Boele ut allein doon, mit Jelle trouwens… Mit unne lekkere Linje in de heng kwame de spraakwatervalle wir good op gang. Roelie probeerde nog ff mit Voorter te connecte door over de kleine Turkenlul (jaja daar is ie weer) te wrieve. De verstenjige minse goan lekker noar bid en de die hards (leas uule) loate zich verleiden um dr nog “eine” beaj de Pool te drinke. Strak plan heb ich mich loate vertille.

Over de zonnig moog ich van trainer Tiesse neet te veul details priesgeave umdet tegenstanders (ich zou ut gewoen fans neume) ozze verslagen auk leaze. Dus mesjien waren we compleet zonnigmerge maar mesjien auk neet. De Merrie van oma starte neet, dus Roelie P. mocht nog ff un stukske truuk fietse noar de zankberg um doar unne angere waggie te fikse. Op noar Postert! Aangekome in Postert vroage we os aaf of doar auk un rundje koeberg is. Parkeerplaats rammetje vol… Gelukkig biedt un veld mit pioenroëze oetkomst en kinne we de auto’s binne unne kilomeater kwiet. Unne lantaarn dea aan de kantine hangt verklapt al det ze beaj Oranje Blauw goije smaak hebben. Ich dink det die ut verslaag van vurrige weak auk hebben geleaze. Brand bier uit de tap!!! Heurlik. De dames van Oranje Blauw spulde in ut veurprogramma van os en doar stong zoe veul volk langs de kank, det dr mesjien wel un team kampioen kos weare. Gin idee we zien volledig gefocust op de widstried van os zelf. Oh nee toch niet! Flessen Brand overal um os heen. Wauhahauw!

Warming up waas werm maar prima. Tiesse benadrukt nog maar ins det we richting de groëte finale goan, maar dan motte we vandaag toch irst winnen. Sjors B. pompt de manne nog ffkes op mit de klanken van de outsiders, noa commentaar det ut leek of we in ein of anger fiëstcafé waren. Maar good, noar boëte.

Als vanouds sjerp beginnen, op tied druk zitte en via “de bakstein” proberen te tegenstander te verrasse. Verder info over de widstried moog ich zoals gezag neet mier priesgeave behalve det de goals vandaag gemakt weare door Frankie B jr, Tunke, Burb en Ed.

0-4 unne prima oetslaag, woardoor we bovenaan blieve stoan en zelfs noa enig reakenwerk auk veur de Zoefiecup bovenaan stoan. Lekker lekker. 2x overwinningspils umdet ut Brandjes zien en de zonnig kin al neet mier kapot. Bobby is zelfs gesignaleerd in Postert. Gewoen mit ut fiestke. Al stoan ich dr neet van te kieke as hea in Kessel de Maas in is gespronge, noar Remunj is gezwomme. Doar aan de Maasplassen ziene wielrenfiets heat gepakt en noar Posterholt is gejakkerd mit un kleine 50 km/ph. Ff de widstried kieke en vervolgens truuk noar Kunningslust renne. Ich sloet ut neet oet, dus det zeat auk genog over de fitheid van ozze vriedigoavendbeul. Sjitterend.

Bree heat auk gewonnen en zoe blieft ut ongekind spannend. Auk Kepel blieft nog in ut spoor door te blieve winnen. Toevallig motte wea irst teage Bree en dan nog teage Kepel. Volgende weak winnen thoes teage Bree beteikend det we ut geflikt hebben mit os 3e ilftal. Tegen overwegend 2e ilftallen die 2x in de weak trainen waas de doelstilling um zoe lang mogelijk mit te blieve doon. Det we ut volgende weak aaf kinne maken tegen de directe concurrent is natuurlijk un jongesbook. Feit is wel det as we dea pot verleeze, de kaarten in ins angers gesjud zien en dan kin Bree ut de weak dr op zelf aafmaken. Spannend dus allemoal.

Beaj de Pool pakken de knuppels van H3 nog un x aantal knuppels (en despo’s). Sjeale wazel over en weer en dr wurd wir prima geconnect. Neet beaj de Nicknack overigens want neet idderein kumt aan zien lief. Speltip van de daag; “hel zat spuiten, dan motte ze vanzelf wel slikken”. Doe er je voordeel mee!

Volgende weak zonnig geit ut dus um de reuze-reuze knikkers. 11:00 oor, sportpark Kerkeböske in Dörp. Komt allen en support Helje 3! Dan doon wea dr alles aan um dea widstried tot un good eind te bringe. En as det dan zoe is maken we dr eine groët fiëst van. En zoe neet, dan zoepe we os samen auk de hik in.

Tot zonnig! Be there!