Unne, unne, unne, unne Sjorpaol! 

H3 wint kersttoernooi trouwens

Lekker Tarrel!

Donderdig voetballen?

Kiek oet mit dea zeip!

Als we de razende reporter mogen geluive is dr niks gevoetbald dit weekend. Nou is ut resultaat redelijke bedroevend, maar wea hebben toch echt wel unne redelijk tot goije pot op de plastic mat gelag. 2-1 verlees tegen SSS’18 2.  

De strekking van het verhaal van de razende reporter kin ich trouwens wel waarderen en det is un meining die ich auk wel deil. Ut is werkelijk belachelijk um de competitie half januari wir te loate beginnen. Binnen de KNVB wilt ein struiming det kunstgraas verdwient in ut betaalde voetbal, maar de amateurs weare bijna verplicht um op kunstgraas te voetballen. In Dörp goan de trainingen neet door vanwege de sneeuwval en de doorbeaj huurende staat van de velden. In dit geval SSS’18 kin lekker 2x trainen en zelf veur rechtertje speule of de widstried doorgeit. Als ze compleet zien weite ze det ze un groët veurdeil hebben ten opzichte van de Dörpers. En als ze te veul blessures hebben zeggen ze gewoen det ut hoofdveld onbespeulbaar is. Maar goed Helje 3, inmiddels 2x getraind dit joar, zal dr toch wel kloar veur zien.  

De irste widstried in de zoegenaamde kampioenspoule. 14 widstrieden motte dr nog ff aafgewerkt weare deze seizoenhilft. Aangezeen det koning winter zien intrede heat gedoan, zal dr links en rechts wel get aafgelast weare. In de competitie geit trouwens allein ozze widstried door.  

MIt 16!! speulers reizen we aaf noar Overloon, of waas ut Zeilberg. In ilk geval noa un 40 minuten stoan we op ut sportpark iin Overloon. Alsof we in unne angere wereld terecht kome, want ut liekt det heaj gin snieuw is gevallen. Greune (bah) velden en nergens gin wit te bekinnen. Det de cornervlaggen neet op het hoofdveld stoan beteikend det we op veld 4, jawel kunstgraas, mogen aantreden. Ut is allemoal wir ff geleeje det de speulers van H3 unne widstried hebben gespeuld, dus de warming up geit wir un bietje stroef. Trainer Tiesse guft dit uiteraard wir ff aan. Auk kumpt deze trainer mit un oplossing veur os speulersprobleem. Speulersprobleem? Jao, als idderein fit is hebben we 16 man. Det zien zoals idderein wit 5 reserves. Net zoals vandaag. Hoewel Daan de Neuker unne sjorpaol op ziene voot heat loate vallen, en dus eigenlijk neet hielemoal fit is. Maar ff truuk komend op de oplossing. Trainer Tiesse heat de royale winterstop gebroekt um via un cursus excel   veur dummies un formule te bedinken veur os wisselbeleid. 10 veldspeulers, 5 reserves, dus groepjes van 3 en wisselen mer. Ongeluifelijk det dea man altied aan steit en zoe probeert um un topsportklimaat te creëren beaj Helje 3. Doar woar speulers weak in weak oet (leas 5 weake) de hik in goan op zatterdigoavend, zit deze man formules te bedinke. Noa ut verkondigen van dit wisselbeleid (wat gewoen echt hiel logisch is), makt hea de opstilling bekind.  

Dan de widstried zelf. Ut begin is veur beide teams un bietje aaftasten. Ginne bekinde tegenstander, dus gin idee hoe die voetballen. Scoren mekkelijk en kriege dr auk redelijk get teage, aafgoande op de irste competitie van SSS’18. Ut kunstgraas veld is mega groët en dus zien de ruumtes auk groët. Dr weare links en rechts get speldenprikjes oetgedeild, maar groëte kansen weare neet oetgespeuld. Via unne lange crossbal kumt de bal tussen Roelie P. en kalfkop, litstgenumde probeert de bal wig te werken, maar ut liekt dr op det kalfje zich verkiekt op de bal. Kan auk door ut kunstgraas komen, maar de behendige rechtsboete pakt dit cadeautje gewillig oet en kanlt SSS op veursprong. Eigenlijk op un moment de H3 steeds mier de widstried controleerd. Dan volgt un klein offensiefje van de Dörpers, die veural via d boetespeulers gevierlijk weare. Un belke breid op de inlaupende ScoopStan wurd al dan neet bewust mit de hand tegen gehoije door de SSS-back. De vreaje doortocht van Stan wurd heajdoor in de kiem gesmoord en unne vreaje trap wird gegeave. En het prentje kumt dr neet. Ongeluifelijk, de tot dan prima leidende scheids heaj toch wel ff mogen optreden in mien auge. Oeteindelijk zeuke we mit un minimale achterstand ut kleidlokaal op. 

Volgens de formule, motte we nou 4x wisselen. Neet umdet ut slecht geit, maar umdet idderein utzelfde mot voetballen mits ze getraind hebben. Training ging neet door maar goed. Nicknack, Sjors, Ruben en Voorter komen dr in veur Struip, ScoopStan, Roelie P. en Kalfkop. Struip lut auk al wir zeen nog steeds grujjend te zien dior in de rust aan te geave det hea mit un prentje op zak, mesjien wel ins teage un twidde prent op zou kinne laupe. Dus wissel mer. Hulde! We spreake eigenljjk aaf um veurin iets mier in te zakken en zoe proberen ut veld get kleiner te maken en dan via ozze snelheid de mannen oet Overloon pien te doon. 

Door de frisse inbring van de 4 nieuwelingen kumpt dr toch un anger spelbeeld. We zitte juust mier druk noar veure en dit zorgt dr veur det we veul in balbezit zjen en eigenlijk SSS’18 beaj de “cojones” hebben. Vele veurzitten komen net neet aan, of zien net te hel. Maar dan nou un kwarteerke kumpt Ruben wir door en via unne strakke veurzit wurd de inlaupende Rob bereikt. Dea knalt de geliekmaker binnen. 1-1. H3 ruukt blood en geit volle zak op zeuk noar de veursprong. Helaas wit Rob ziene twidde van de daag neet te maken op ut moment det dea de bal toch wel redelijk vreaj veur ut inknallen heat. Net te wild sjuut hea de bal aan de verkierde kank van ut aluminium. Det heaj um motte zien! Helje zakt iets mier in en SSS’18 lut wir mier van zich huure. Eigenlijk komen we gin moment in de problemen en blieve we rustig doorvoetballen. Op ut moment det de meeste aan ut wachten zien op de 2e Heljese treffer, geit ut aan de angere kank toch mis. Burb makt un overtreding en SSS’18 kriegt unne vreaje trap. Op neet zo’n hiele gevierlijke plaats zouse zeggen. Allein werd de man op de 16 over ut hoofd gezean en deze mocht vreaj sjeete. Neet niel good gesjote en un prooi veur keeper Pis. Maar helaas wurd deze ongeweeg nog aangerakt in de drukkenm menigte in de 16. Via ut kneen van de Nicknack is Pis toch geklopt. Gvd! Wat unne k#tzooi wir. Gin kans wig gegeave tot dan. Hup door en ut kin nog. Veural via Ruben, dea alein nog mer onreglementair gestopt kos weare (kier op kier), is Helje zeer dreigend. Noa de zoeveulste kier det Ruben zien hakken lut zeen wurd deze wir opgevange in de 16. Gewoen puur de man blokken. De bal heaj op de stip gemotte, maar de scheids wilt heaj neet aan. Dit tot onvrede van alles wat un blauw-wit hert heat. Vanoet ozze overvolle bank wurd dr nog get gerope en dit vingt de scheids de druppel. Mit unne roeje kaart in de heng, vrugt hea weam det dr get gerope heaj. Koeiekop pakt dr eine veur ut team en stikt ziene vinger op. Inrukken! Als Koeiekop niks heaj gezag heaj scheidsie doar tich fijn gestoan mit zien kaart, maar goed. Ginne pingel, en doar waren auk de geal-zwarte zichtbaar opgelucht over. Vele overtredingen zouwe nog volgen, maar H3 kumt neet mier tot scoren. Zoë begint deze competitie slecht veur de Heldenaren. Maar neet getreurd, ut spel waas mier dan prima en organisatorisch stong ut auk gewoen good.  

Aanstaande donderdig steit de bekerwidstrijd teage TSC’04 alwir op de rol. Sjitterend KNVB (die volgens mich op Bonaire heur kantoer hebben). Is ut dan allemoal drama um in januari wir te beginnen? Nou nea, de flauwe kul veur, tiedens en noa de widstried blieft natuurlijk geweldig. De gebroeders Van Der Sterren  zien samen nog beater dan Jochem Meijer en Bert Visscher samen. Tarrel dea ala Balotelli mit ziene jas aan ut hannesse is. De dönerlucht van Tunke. Ut huurt dr allemoal beaj. Bietje jammer det op Bonaire ginne carnaval gevierd wurd, want dan heaje ze heaj wel reakening mit kinne hoije.  

Zoals Andy op de vrienden van app auk al gezag heat; we kinne wir gokken en warsjienlijk winse dan. Dit is trouwens veur donderdag van toepassing als ik zoe oet de raam kiek. Aafgelaupe zatterdig heb ich auk noar Andy geluusterd (doon ich eigenlijk altied). Dus ich bin gezellig noar ut casino geweest. Wat un drama is det. Dr zullen bist minse zien die det echt leuk vinge, maar det is neet miene winkel in idder geval. Umdet we toch koste gokken, zien we mer de Venlosche binnenstad in gegoan. Helaas kwaan dr gin pushmelding van de voetbal app. En dus heaj ik gegokt en verloren… 

Veul plezeer beaj de zittingen allemoal en angers tot donderdig 20:00 oor! Nee, denk ut niet!