Dramaandag...

Dit keer eens niet op zondagmorgen of dinsdagavond, maar op de maandagmorgen. Voor alle aanhangers van de paashaas is dit natuurlijk wel een zondag, maar aan alles merk je dat dit eigenlijk een maandag is. Hierover later meer...

Op vriedig zien we mit 12 man sterk op de training. 13 alse ozze veldtrainer mit reakens en det doon we natuurlijk. Vriedigmiddig nog ff gauw un appje of dr vanaovend wel gewoen getraind werd? Dinsdig namelijk nog gevoetbald dus Struip heaj nog zwoare kneuk. Jazeker! Un eurke lekker mit de bal, aldus Bobby. Roelie P. heaj dit kier dus auk gin excuus mier en waas sinds 10 weake auk wir is van de partij. Leuk man, probeer nou gewoen ilke weak te komen, dan hoofse dich auk neet ilke kier opneaj veur te stille. Maar dr werd os dus un lekkere training veurgesjotteld. In de partijvorm mos Bobby nog ff zien motiverende kunsten te veursjien toveren um de aanvallers sjerp te kriege. En zoals we allemoal wel weite, noa Bobby zien woorden rense door moore heen en geisse veur mekaar door ut veur. Aanvallers "winnen" de training dus... Verdedigers geave aan oet teambelang de aanvallers get zelfvertrouwen te geave. Puntje wat nog echt wel gezag moog weare; Roelie P. waas foutloos in de groëte partijvorm en stong ilke kier aan ut begin van de aanval. Hulde!

Op manjig waren we oeteindelijk mit 13 man. Eigenlijk 14, maar de communicatie tussen Tiesse en Kees heaj get ruis op de lien. Koen van ut twid is wir bereid gevongen um os oet te helpen en zoe kinne we mit 2 reserves aantreaje tegen SSS'18 2. Oet de vurrige ontmoeting weite we det dit zeker gin slechte ploog is, maar det we doar, zeker op basis van de twidde hilft, te weinig hebben gekregen. Namelijk 0 punten! Dit mos vandaag, gesterkt door de doordeweakse overwinning teage IVO toch haalbaar zien. 

Vanaaf de irste minuut is ut eigenlijk SSS'18 welke ut spelbeeld bepald. Via de snelle voorwaartsen willen ze os direct beaj de keal griepe. Dit lukt deils, maar we buigen oeteindelijk neet. Noa un good kwarteer komen wea auk iets mier in de widstried, maar ut niveau aan de bal is werkelijk drama! 2 kier overspeule en de bal is al kwiet. Als we al aan de 2 kier komen trouwens. Veul onrust en weinig bewegiging zonger de bal. Kop direct loate hangen en te laat umsjakele. Woar ut aan likt? Zeg ut maar, poasweekend (dus 2 á 3 dagen zoepe), de biologische klok (want manjig) of gewoen unne off day. Mesjien zien ze ut wel alle 3. Feit is wel det we mit de brilstand de rust halen en doar mogen wea os nog gelukkig mit prieze. 

Ut mot en zal beater. SSS'18 kakt in de irste hilft auk aardig in, dus als we gewoen veul feller zien en geluif dr in hebben is dr genog mogelijk vandaag. Roelie P. kumt dr in veur Sjors en zoe goan we ut de twidde hilft proberen. 

Ut liekt alsof de woorden van Tiesse in de rust dezelfde oetwerking hebben als die van Bobby vriedig want H3 knalt oet de startblokken noa rust. Aaftrap, pass van Eddie op Ruben, Ruben brommert dr als vanouds tussenoet en guft de bal veur. Precies beaj Struip op ziene volle bos krullen. Helaas kin Struip neet genog kracht achter de kupbal kriege en zoe kin de keeper de bal mekkelijk vangen. Maar dit is un teiken van leave in idder geval. H3 kriegt steeds mier de controle over de widstried en kriegt inkele kansjes. Ruben wurd wir op dezelfde manier aafgestopt als in de oetwidstried, dit resulteerd oeteindelijk in 2 geale kaarten, en eine veur Ruben zelf noadet hea reactie guft op ein van deze overtredingen. Oet deze vreaje trap komen we dan wel op veursprong. Un 20, 25 meater van de goal likt de bal. Turkelul likt nog get te misselijke in de moor van SSS en mot mier aafstand hoije. Tunke eilt de bal in de verre hook sjeete, maar Turkelul en ziene verdediger stoan in ut baan van ut schot. De verdediger rakt de bal en zoe is de keeper kansloos en zit de 1-0 dr in. De reporter is TOTAAL onafhankelijk in deze en geit mit in ut algemeine oordeil det de goal op naam van Tunke kumpt. Veural via Ruben kriege we nog de kans op 2-0. Maar noa unne prachtige solo, kwaam dr helaas neet mier dan un mislukt lobje oet ziene rechter. Waas volgens Ruben zelf als schot bedoeld, en hea mist um neet extra. Det begriepe we! Inmiddils goan we richting ut litste fluitsignaal en SSS speult al un aantal minuten mit 4 man veurop. Dit zorgt veur enige paniek bij tijden maar echt gevierlijk wird ut neet. Totdet un minuut veur tied de linksboete unne aafgemeate veurzit guft en wea os beaj de twidde poal loate verrassen. 1-1. Dit gebeurd os helaas te vaak dit seizoen det we dea man "vreaj" loate of de we os doar loate " piepelen"! Moog neet. Dus dea bijna zeker liekende 3 punter is unne 1 punter geworen deze poasmanjig. 

Ut sjient zoe te zien det dr nog un deil aafgevaardigde van H3 ozze Jo19 hebben "gekeken" en toch nog unne aardige noazit hebben gehad in de kantine. Klasse! Geld in ut laatje veur de penningmeister. 

Kermiszonnig steit de volgende widstried wir kloar. De thoeswidstried teage TSC'04 2. Over de geschiedenis zullen we maar neet te veul zeggen. 3 punten en dan de hik in zonger blauwe auge op de kermis!

Tot zonnig!