Veldtrainer gezocht!

Irst ffkes truuk noar de vriedig. TNT (Toen nog Trainer) Tiesse heaj wir zien bist gedoan um dr un leuke training van te maken. Irst un rondootje woar hea zelf auk “rustig” aan mit deej. Lekker man! Doarnoa un pass oefeningetje, positiespelke, aafwerke en nog un groëte partij. Good getraind en ut leek zowaar det dr al get beleaving in zoot! Noa aaflaup rupt TNT Tiesse de mannen beaj- ein. Zoeals de naam al un bietje duit verklappen veur de oplittende (of nuchtere) leazers onger os, TNT Tiesse kapt dr mit. Althans op de vriedigaovend. Dus bisse dit nou aan ut leaze en dinkse; “ich wil auk wel weakelijks genumd weare in deze topverslagen”, en hease auk zin um op vriedigaovend un man of 12 tot 14 aan ut werk te zitte? Dan meld dich via welke kanalen dan auk en maak dien interesse kinbaar. Hease unne buurman (of vrouw) dea ilke vriedigaovend ut gazon aan ut meije is mit unne graasmeijer mit dubbele piep en doar wilse vanaaf dan kinse de buurman auk aanmelden. Un selectiecommissie, sorry H3 dus gin selectie. Un commissie buigt zich vervolgens over alle aanmeldingen en dan zal dea hopelijk eine aanmelding binnekort ozze training verzorgen en auk in ut verslaag te kakke weare gezat. TNT Tiesse bedankt veur de inzit en succes mit dien tannise!

Good genog heajover en gauw noar de zonnigmerge. De wonderen zien de wereld nog neet oet en Kersten is als irste in de kantien! Kleine nuance hea dacht det we um 10 oor beajein moste komen, dus dan waas hea eigenljjk nog te laat geweest auk. Maar um 10:15 waas idderein dur. Behalve Struip geveld door ein virus. ScoopyStan door de ME op de hamstring gebeukt, De neuker, chlamydia aan ut kneen, en Itijlia. 11 man dus hebben we Guus van ut twid en Jesse Klaver oet de o19 auk nog dr beaj.

Ozze warming up begint wederom fantastisch! Gin bel, unne vlagger dea mit geit doon. Hilarisch wir en de belooft wir get veur vandaag. Tegenstander MMC 2 waas auk unne bal kwiet want dea waas over ut hek gegoan beaj de buren. Aangebeld, mer dr deej neemand open. Die zullen nog wel in bid liggen dan dachte de mannen oet Wiert. Noa enige noavroag bleek det doar neemus wont. Beugelhoes! Auk lekker…

De rentree van de Nicknack lut nog ff op zich wachten want hea begint samen mit Jesse Klaver op ut bengske. Kinne ze ut samen over heure politieke voorkeur hebben.

Det we get recht te zitten hebben wurd auk hiel snel duudelijk, volle bak druk dr op en snel de aanval zeuke. Binnen 10 minuten resulteerd dit auk in de 1-0 van Kick. Binnen ut half oor jagen Guus en Sjors good door en ein op ein makt Sjors gin fout. 2-0. Kort doarnoa pikt Kick unne slechte pass van MMC op en hea zuut de keeper ver oet de goal stoan. Bekeken plaats hea de bal in de goal, heerlijk nonchalant, zoals unne 10 det huurt te doon. Hulde! Kort veur rust moog auch de hel werkende en aaf en toe ongelukkige Ties un turfje achter ziene naam zitte. Bal wurd door Sjors breid gelag en net boete de 16 dreijt Ties de bal lekker in de kruutsing. 4-0!! Dit is ut enige juuste antwoord op de zoadpartij van vurrige weak. Dan is ut rust.

TNT Tiesse vrugt of dr beaj speulers problemen zien en neemua guft get aan. Mit Tunke is aafgesproke um 1 hilft te voetballen vanwege un vervealende achillespees blessure, mer ut geit eigenlijk wel lekker en hea wilt wel blieve stoan. TNT Tiesse is onvoorbiddelijk en wisselt de captain toch. De Nicknack (jajaah) is truuk in ut veld. Frankie pakt de rol van Tunke compleet over en pakt zien positie en ut bendje. Neet inkakken en door blieve goan is ut devies veur de twidde hilft.

Coach Shurell van MMC (wel bekind beaj de meeste in Dörp) heat ruum 20 minuten de tied nuddig um ut in de rust good neer te zitte veur de twidde hilft. Oeteindelijk start de twidde hilft en binnen 10 minuten heat Nicknack al unne volley van 30 meater richting Hegelsom getrapt. Jajaah hea is wir truuk! Noa un goaje 20 minuten prikt Sjors ziene 2e dr in en auk de Nicknack makt nog un wereldgoal??! Vroag um zelf mer… Noa de 6-0 is de geest wel un bietje oet de widstried en ut wurd vanoet Helje kank veul te slordig. Jesse Klaver kumt dr nog in veur Burb. MMC wit zelfs nog inkele kansjes te kriege en doordet Jesse Klaver op rechts steit geit ut natuurlijk fout. TNT Tiesse mot weite desse zonne linkse rakker neet op rechts mos zitte, maar goed. Helaas door dit foutje kin Sam Allison ziene halve liter vergeate. 6-1, helaas Sam net neet de 0. Geit steeds beater Pietertje!

Al mit al un hiele goaje 60 minuten van H3 en we hebben loate zeen det we ut zeker wel kinne. Des te pienlijker is ut verlees van vurrige weak nou geworen. Wat nog opveel tiedens de widstried waas det Frankie ut Struipvirus auk heat opgelaupe. Noa (wederom) unne slechte pass, woj hea zich loate wisselen. Maar we heaje ginne reserve mier, “dan haal mich dr mer gewoen oet”. Lekker man! De reservebank en ut technisch duo werd nog ff opgeschrikt door un tirade van Burb.”Kom ins op, veul te slap!” bulderde Burb in de dugout. Wow ongekend en auk heaj merkse aan det Burb aan ut grujje is. Chapeau! En auk de keeper van MMC kriegt un eervolle vermelding want zien coaching is van un werkelijk fantastisch niveautje. “Raken!” sjitterend.

De halve liter geit vandaag noar Kalfkop! Iezersterke pot, klein van stuk mer un ware plaag veur de rechtsboete van MMC. Maar ierlijk is ierlijk dr heaje wel un stuk of 5 halve liters oetgedeild kinne weare vandaag.

Nog ff get flauwekul noa de widstried. Nicknack is altied boos. En kin gin eate zeen of ruuke als dea heat gevoetbald. Jesse Klaver mos nog noar un partijcongres dus zien gratis pilsjes bleven beperkt. Toch raar veur zonne linkse um gratis dingen te loate laupe, maar good. Jesse en Guus bedankt veur ut mitdoon vandaag! En aan de H3 speulers auk dank det we unne fatsoenlijke pot hebben gespeuld mit veul beleaving!

Volgende weak steit unne oetwidstried tegen Brandevoort op de planning. Mesjien det de vervanger van TNT Tiesse zich dan al heat gemeld, maar veur aankomende vriedig pakt Koeiekop de trianing op. Dus dr zullen gin enveloppen mier te kaup zien deze weak…

Ciao ciao!