Niet waar!

Biste leazers,

Ut weekend noa de vasteloavend steit wir volgepland dankzij de KNVB. Lekker sjravele in de tooter op vriedig en zonnig. Want ja, de velden... die hebben ut zwoar. Dus neet allein de speulers hebben zich vol loate laupe, maar auk de velden zien tot de nek toe gevuld mit vocht. Maar goed doar hebben we ut maar mit te doon.

Op vriedigoavend steit TNT Tiesse wir veur de groep, of motte we zeggen Toen Wir Trainer Tiesse? TrainerStan verkiest droge voetjes in de zaal, boven ut waterballet op de dreaj-hook. Dus TWT Tiesse nimt de honours waar veur deze kier. Verder zien  De Nicknack en Kalfkop geveld door ziekte. In totaal mit 12 man + vlagger Sjarhs aanwezig. TWT Tiesse heat ut plan um ut overtollige vasteloavendsvocht in ein trainingsoavendje wig te werken. Nou, hea heat zien bist gedoan zullen we maar zeggen. Oajerwits veul laupwerk, maar alles mit bal...

Op zonnig zien TrainerStan en Kalfkop wel wir van de partij. De Nicknack blieft zeek in zien bid liggen. Totaal 14 eigen speuler. Desm 2 is de tegenstander vandaag en die stoan neet zoe hiel hoejg. H3 doarinteage steit keurig op de 2e plek. En kin vandaag zelfs un gaatje sloan mit de 3e plaats. Makkie dus! Maar nou wilt ut geval det wea op zo'n momenten meestal neet ozze biste widstrieden speule. 

Mit deze woorden goan we de warming up auk in. Doar bliekt det de druppels die zonnigmerge gevallen zien, gewoen bovenop ut trainingsveld zien blieve liggen. Ut waas neet best. Normale ballen sjeete alle kanke op en ut korte tik werk kinse vandaag wel vergeate.

Dit zal op ut hoofdveld neet veul beater zien, dus we hameren op inzit en umsjakele. Det zal vandaag ut versjil goan maken. Ut begin is licht veur H3, maar door slordigheden loate we Desm toch mier en mier in de widstried komen. We weare noa un 10 minuten zelfs flink onger druk gezat, zonger echte kansen, maar toch. We kinne de bal amper beaj ozze veurwaartsen kriegen en als det wel ut geval is, zien we de bal auk zoe wir kwiet. Dan wurd ut lastig. Noa un kleine 25 minuten kumt Desm via de linkerkank door en via unne liëge veurzit, kumt de bal via un overstapje beaj de totaal vreajstoande exotische parel van Desm. 0-1 ut zal toch neet. H3 sukkelt get aan op det moment en is riep veur de slacht. Greeke en zannike kinne we op zo'n moment as de biste, maar werke loat stoan voetballen is dr neet mier beaj. Desm halt vervolgens alle trucjes oet de kast um os oet ut spel te halen en det lukt auk vreaj aardig. Ballen wigtrappen, ff op un bein goan stoan, gea wit ut wel. Hoejgst irritant gedraag! (Tot op zekere hoejgte prima natuurlijk, maar hoj ut wel netjes.) Autistische linksboete van Desm waas de allerbiste voetballer vandaag, Niet Waar! De grotste en lompste en meest irritante dan, Wel Waar! Versjrikkelijk asse zoe dien zondigmerges in mos vullen. Joa wea hebben Struip, maar over ut algemein wilt dea nog wel voetballen. Det waas beaj deze Andre the Giant neet ut geval. We halen de rust mit 0-1. 

In de rust wurd door coach Tiesse en Koeiekop aangegeave det we precies doon wat we neet hebben aafgesproken. En doar hebben ze geliek in. 2 wissels Itijlia veur Sjors en TrainerStan veur Kick Sterling. Mit mier snelheid motte we de toch neet al te best oetzeende backs pien kinne doon.

En eigenlijk kumt TrainerStan direct mit zien irste actie vreaj mekkelijk door op links en rent zoe de 16 in. Helaas is de voorzetting neet good, mer ut guft wir hoop. H3 pakt ut initiatief en druk Desm tegen de eigen goal aan. De irste corner van TrainerStan is liejg beaj de irste poal, maar neet gevierlijk. De twidde eigenlijk utzelfde. Burb likt al te greeke det die corners beater motte, maar ut menke beaj de irste poal lut de bal laupe veur ut keeperke. Dea liekt verrast heajdoor en zoe geit de bal over de lien. 1-1. Un mazzeltje, wel un zeer welkom ein. Kort noa rust de anschlusstreffer. H3 blieft de aanval zeuke en kleine kenskes doon zich veur. Nog un paar corners kriege we mit, maar echt groëte kansen komen dr neet. Hilarisch moment is als exotische Sammie neet vreajlupt beaj unne inworp van Desm.  Medespeuler vrugt zich hel op aaf wurrum neet. Sammie... eey! Doarbeaj waren de pupillen van deze speuler zoe groët desse dich aafvrugs van welk festival dea aafgelaupe is. Ut veld wurd zwoarder en zwoarder en beak beide teams lupt de energie rijkelijk wig. Struipie inmiddels leeg gespuld en mesjien auk wel oet veurzorg gewisseld makt plaats veur Kalfkop. Dea mot veur det litste bietje extra energie goan zorgen. Det lukt auk, we kriege en benutten de ruumtes op ut middenveld mier en mier. Noadet Frenkie wir zien joga bonito skills lut zeen en ff unne lekker panna oetdeilt wurd dea oeteindelijk onregelementair gestopt. Randje 16 aan de boetekank, vreaje trap. Tunke swingt de bal ver op de twidde poal, Itijlia kupt de bal diagonaal truuk over de keeper in de lange hook en Kersten guft de bal ut litste tikje mit de kop. 2-1!! Nog un kwarteer te speule. Desm sjuuft unne speuler door dus ff organiseren achterin. Door de ruumte die onsteit kriege we nog wel un paar (groëte) kansen. TrainerStan wilt de bal in ut kruuts jagen, en det lukte, allein waas det ut kruuts in de bocht op de Kloësterstroat. Kalfkop wurd nog ff royaal onger de zoden getrapt door de pupil ;) van de weak van Desm. Daan Ginger ale De Neuker is ut heaj neet mit ins en zit ut van un meaterke of 30 op un sprinten um de pupil unne bodycheck alá Virgil van Dijk te geave. Neet zoe slum, maar wel teikenend veur de inzit van ozze Red Bull. Good is good. Allebei geal, woar de pupil dink ich roëd heaj gezeen als De Neuker zich rustig heaj gehoije. Op ut litst kriegt ozze topscoorder nog un neet te missen kans, mer toch lukt Ties dit. Oei oei, we heaje ut ierder aaf kinne maken. Nou blieft ut tot op ut list spannend, maar oeteindelijk flut de scheids aaf. Wederom 3 punten en ut gaatje noar plek 3 is geslagen. De 1e plek liekt un onhaalbaar iets, maar als wea de punten blieve pakken dan zeen we wel woar umwe oet komen. Feit blieft det we os mier dan prima staande hoije tussen de 2x trainende 2e ilftallen oet ut Wiërtse en Brabantse land.

De 3e hilft waas lafjes, want ut halve team mos goan darten beaj Kuib of Palladio of Switch of hoe ut auk hit tegenwoordig. Volgende weak op ut kunstgraas in Wiert, beaj MMC. De ploog van Shurell hebben wea flink geut geveave in de thoeswidstried, maar auk die hebben inmiddels get punten gepakt, woaronger teage de koplauper. Dus dit zal unne angere widstried weare en doar zullen we os wir good op motte veurbereiden. 

Aju paraplu!

Oh ja, Motm waas natuurlijk Daan "Ginger ale" / "De Neuker" / "Red bull" Peute!