FC Oda duit zien hoeswerk neet good!

Net noa de 11e vd 11e namelijk de 12e vd 11e steit dr unne widstried op ut programma. Ut zou de 3e thoeswidstried op rij zien veur H3. Maar zoals altied beginnen we beaj ut begin en det is op de vriedigoavend.

Uh dea waas dr neet, tenminste neet um te trainen. De (trainings)velden zien verzadigd mit reagenwater dus we mogen neet op de velden. Volledig terecht trouwens. Tja wat mosse dan mit diene vreaje oavend. Toch nog proberen te trainen, dus we bellen mit Dynamic (gin plaats), de manege (die willen gin ezels allein mer peard) en zelfs beaj ut beugelhoes waren de banen te naat! Dju, wilt neamus os dan ongerdaak geave um iets van un training de kinne doon? Tuurlijk wel! Danny van De Pool! Mit un paar magneetjes (dobbelstein) hebben we ut inhoudelijk over laup liene en positiewisselingen gehad. Genog bidons langs de kank um te drinken en oeteindelijk hebben we mit 4 man + unne keeper (kapper) toch good getraind.

Veur de zonnig heat coach Tiesse de beschikking over 13 man. Kalfkop en Itijlia zien dur neet beaj. Um 10:15u is dr un spoedoverleg tussen coach Tiesse en raadsman Koeiekop. Frankie (normaal precies um 10:15u aanwezig) is te laat. “Dan motte we wir goan sjuuve” grauwelen de wieze mannen.

Noa deze bekindmaking wurd de coach dr op geattendeerd det Frankie un weekend de hik in aan ut goan is mit zien kammeruj. Dr begint ergens un lichtje te branden beaj de coach en hea guft zien fout toe. Nou lekker, hebben wea get aan. Eine reserve. Maar nea, dr zien pas problemen asse gin oplossingen mier kins bedinke. Net zoals de vurrige widstried is ein telefoontje richting H5 voldoende um 2 speulers te ritselen. IJzeren Thijs en BroeneFruitsjoalLuuk (BFL) zien bereid um beaj os op ut bengske te komen zitten. Al is de kans op minuten hiel erg groët aangezeen neet idderein topfit is.

De ongeslagen thoesstatus, sterker nog 9 uit 3, wurd aangehald um ut belang van deze widstried aan te geave. Beaj winst moogse dich echt aan ut front melden, al zien de versjillen klein, maar toch. Maar dan zal dr irst gewonnen motte weare tegen unne tegenstander dea mit eine widstried mier 3 punten mier heat. FC Oda duit dus auk lekker mit in deze toch iet wat vreemde klasse. Volle bak inzit en vandaag in tegenstilling tot de vurrige widstried teage Mifano de kansen wel aafmaken.

Op un prima bespeulbaar veld 4 beginnen we aan de widstried. Zoals os opgedragen is, volle bak inzit, aanwezig. We winnen eigenlijk ilk duel en voetballend zuut ut dr nier dan prima oet. Kansen kriege we eigenlijk auk al vreaj snel. Kansen weare verprutst en we scoren (nog) neet. FC Oda kumt totaal neet in ut spel veur en oeteindelijk is Ties dit kier wel sjerp beaj unne truuk gekupte bal van Kersten. 1-0 en nou door! We goan door, maar we missen kans op kans. De eine nog grotter as de angere. Tjonge jonge jonge! Des nie goed nie! Oda kumt dankzij gezannik aan ozze kank ietskes mier in ut spel. En kriegt zowaar unne corner. Deze wurd good onschadeljjk gemakt en H3 pakt ff de rust um idderein wir un positie te zitte. Zoedet we auk de druk wir good dr op kinne hoije. Dit lukt, maar wederom maken we de kansen neet aaf. En, noadet eine speuler van Oda tussen 2 man door de 16 in moog dribbelen, mot Sam “Allison” Beckers handelend optreje op zien schot. Good gekeept en unne corner als resultaat. Loat dea k#tcorner noa net beaj de twidde poal terecht komen woar ein van de reuze van Oda steit en dea kupt mekkelijk de 1-1 binnen. Al zoot heaj auk un luchtje aan volgens inkele H3 speulers. De bal werd namelijk oetdreajend genomen en ut leek dr op det deze achter werd getrapt veurdet hea beaj de reus aan kwaam. Dus in plaats van 5-0 steit ut gewoen 1-1. Dus toch de geliekenis mit de widstried tegen Mifano. Dan is ut auk gauw genog rust, maar ut spel wurd al get grimmiger. In de duels moog dr bist ins get gebeure, maar als de bal neet in de buurt is dan hease dich kneuk thoes te hoije. Maar det is natuurlijk un persoenlijke meining.

In de rust unne donderspeech van coach Tiesse. En hoewel det hea eigenlijk hiel erg kwoad (veur Tiesse begrippen) waas, guft dea eigenlijk un groët compliment door te zeggen det we 45 minuten lang alles good doon. Behalve de kansen aafmaken. En joa natuurlijk, als wea alle kansen aafmaken die we kriege, dan zouwe wea auk op un nog hoejger niveau speule. Maar dr zien dr wel unne hiele haup gemist. Maar det duit neemus expres. Toch? Noa wederom un spoedberaad tussen coach en raadsman, kumt Sjors dr in en geit Ties douche. Kick guft aan nog 10 minuutjes te kinne dus un bietje un vreemde keus um Ties dr dan oet te halen. Maar deze wissel kin op ut conto van Koeiekop.

De irste 10 minuten noa rust zoog ut dr slecht oet veur H3. De grip waren we kwiet en FC Oda waas de bivenliggende partij. Allison mos un paar kier good handelen en heel zien goaltje sjoen. Dan mot Kick ut strijdtoneel toch verloate en kumpt BFL Verlinden dr in. Weitende det hea achter ilke bal aan sprint kinne we get opportunistischer goan voetballen. En dit pakt eigenlijk wel good oet! De bendjes van Struip ziene rollator heaje auk ginne grip mier op ut veld en dus kon hea auk moegestreden goan zitten op ut bengske. IJzeren Thijs kumpt op rechtsboete! Sjors geit noar de 10. De widstried kin echt alle kanten op en dan is ut noa unne pass van TrainerStan IJzeren Thijs dea hiel bekeken tegendroads inkupt en de keeper kansloos lut. 2-1! Wat un goal. Dit guft H3 mier rust en doardoor weite we wederom kansen oet te speule. Noa unne sjitterende pass van De Neuker kumt TrainerStan veur de goal en is ut dit kier eindelijk kassa! 3-1 widstried liekt gespeuld, maar nog niks is zeker. Oda goijt dr unne extra aanvaller beaj en probeert auk nog vanalles. Kleine strontvleeg nr 13 van Oda mint auk nog grappig te zien door captain Tunke nog ff un elleboogje (zonger det dr auk mer unne bal in de buurt is) te geave. De dank is groot, de nachtrust de komende weake wir get minder. Sjoapezak! Oeteindelijk guft BFL trainerStan un neet te missen mogelijkheid en zoe kumt de 4-1 auk nog op ut spreakwoordelijke scorebord.

3x unne MotM bokaal vandaag. Kale Mid Nicknack speulde unne beare pot en zoot overal tussen/beaj/op of onger. En veur H3 fijn det hea nog maar op 70% zit, want nou mist hea die 30% um gekke dingen te doon. En natuurlijk “ozze” IJzeren Thijs en BFL Verlinden. IJzeren Thijs vanwege ut kantelpunt in de widstried en BFL Verlinden heaj allein al 8 assists kinne hebben als ein neet nader te neume persoon de kansen heaj aafgemakt. H5 wederom bedankt veur ut oethelpen van H3. Fijn det det kin!

Noa 6 widstrieden stoan we op un keurige 2e plaats in de 2e reserveklasse. En we hebben nog unne widstried te good dus we kinne geliek komen mit koplauper ZSV. Aankomende dinsig steit dea inhaalwidstried op de rol. Uit naar Aarle Rixtel op unne dinsigoavend, mos dr mer hobby aan hebben!? Veur coach Tiesse wir unne hiele puzzel aangezeen we 2 daag ierder auk al gevoetbald hebben. Maar als ozze coach ziene administratie op orde heat, dan mot det vast good komen. Oh ja en buienradar ff checke of noar boete kieke kin auk al zat zien. Hiele groëte kans det we dus neet voetballen, maar mocht ut wel zoe zien dan zal ut leger van H3 wir paraat stoan.

Raadsman Koeiekop kriegt geliek in zien wisselbeleid, want wederom 3 punten in unne thoeswidstried! In de bruisende kantine werden de 3 punten gevierd alsof de Champions League gewonnen waas. De speulersvrouwen waren allemoal aan ut vroage hoe laat we thoes kwame. Maar “wat hease aan tied asse in ut heden leafs!” Det ia natuurlijk auk wel wir zoewe. Binnekort op un tegeltje te verkriege. Hoj de website www.nicknacksoetsprakenopuntegeltje.nl in de gaten, want dea geit ein dezer dagen online, maar wannier kin ich neet zeggen want ich leaf in ut heden!

Till the next!