De daag dea kome zou!

Biste leazers en leazerinnen,

Dankzij ut in- en intrieste wear dit kier noa 2 weake wir un verslaag. De doordeweakse widstried teage ASV is inmiddels al 2x aafgelast op de dinsdig en zal auk morgen neet doorgoan. Althans det dink ich als ich vandaag door de raam noar boete kiek. Vurrige weak zonnig de widstried teage Ospel dea afgelast werd en ut fiëst is wir doar. 

Dan de vriedigoavend... auk det is ein drama natuurlijk. Doar woar veld 4 nog aaf en toe te bespeule is, zuut de wereld dr op de trainingsvelden angers oet. Auk mede door unne fiëstoavend, dea overigems sjitterend waas, hebben we auk al weake neet getraind! Eine kier trainen is al neet veul, mer neet is nog minder. 

Dus afgelaupe vriedig um 16:00u oor zien de telefoons maar opgepakt en hebben we un plaatsje kinne reserveren van 18:00u tot 19:00u. Top tied natuurlijk. Oeteindelijk kosten we mit 9 man goan "trainen" beaj Dynamic in Bree. 

Veur de zonnig mos Coach Tiesse wir puzzelen. Edje wurd wir opgetrommeld en verder zien we mit 13 eigen. Redelijk mekkelijke zonnig veur Tiesse dus. Tenminste alssssss ut doorgeit. Ronk 8:00u ut verlossende woord. Ut geit door! De koplauper kumt deze zonnig op bezeuk. Op verleespumten stoan we trouwens geliek. Dus we kinne spreake van unne onvervalste topper. 

De warming up op TV1 is oeteindelijk ploeterend en vroetend prima. Ut belke loate laupe geit vandaag moeilijk weare. Toch goan we ut proberen.

Al snel wurd duudelijk det ZSV neet zonger reden bovenaan steit. Un prima ploog mit inkele zeer goije en slumme speulers. Wat neet wilt zeggen det H3 kansloos is. Sterker nog we speule inkele mogelijkheden oet en kriege get kansen. Helaas is de sjerpte veur de goal nog steeds neet wat ut mot zien. Auk de sjerpte van de scheids waas deze morgen nog neet hielemoal aanwezig. Unne duudelijke pingel wurd helaas neet gegeave en de kans op 1-0 is dus verkeke. Noa un half oor ontsnapt de 10 van Zeilberg aan de dekking van Kersten en makt good gebroek van zien lichaam. Vervolgens deponeerd hea de bal auk nog achter Sam. G#dverd♡mme. Ein kans, goal. Aan de angere kank kriege wea auk wir kansen maar wederom mist de sjerpte veur de goal of is de keeper van Zeilberg un sta in de weg. 5 minuten veur rust prikt ZSV nog eine kier door de verdediging door unne perfecte steakbal op ut moment det ut mierendeil van de Dörper achterhoede wilt instappen. Pats boem 0-2. Rust!

We komen neet echt aan voetballen toe, en we durven eigenlijk auk neet vol druk te zitte. De angst um tegen counters aan te laupe, iets woar de tegenstander op loert, is te groët. Nicknack geit dr oet en Ties kumt dr in. We zien zeker neet kansloos, alleen zal dea bal dr wel in motte.

Noa rust liekt H3 iets mier in de widstried te komen, dit kan auk door de tegenstander komen, maar echte kansen speule we neet oet. 

Als noa un klein kwarteer de 0-3 valt liekt ut over en sloete. Un paar minuten later liekt de spanning toch iets truuk te komen als Kick de 1-3 dr via unne kluts insjuut. H3 laait zich nog eine kier op, maar de accu's zien allemoal slecht door ut neet of nauwelijks trainen. De genadeklap valt kort veur tied, 1-4. En ierlijk is ierlijk, als we unne VAR heaje gehad in de 2e hilft dan waas ut 1-5 of mesjien wel 1-6 gewore. Maar det is neet. Alles bej ein unne wake up call veur de mannen van Helje 3. We doon leuk mit, maar motte (veurluipig) de bovenste plaatsen oet de kop zitte. ZSV waas (vandaag) un muhtje te groët. 

Veur de komende weak mer wir aafwachten wat ut geit weare. Dinsig zoeals ierder gezag de widstried oet beak ASV, en dan mogen we zonnig noar Merefeldia. Die hebben kunstgraas, dus dea zal wel doorgoan. Mit of zonger training...

Wat un kutwear!

O, ja nog unne leuk weetje. Dr waas vandaag un leaftiedsversjil van 24 joar op ut veld tussen 2 speulers. Niet best!

Tot dinsig uh... warsjienlijk zonnig! 

Ciao ciao!