Toen ich beater kwaam, merkte ich det ut boehte waas.

Biste minse,

Als irste mien oprechte excuses noar alle kleinzerige schepsels die op ein of angere manier last ervaren van de verslagen die ik op de manjig tik. Meestal mit un klein bietje restalcohol (drink met mate), woardoor dr net get mier jus over ut verslag geit en de sjerpe rendjes tot stand komen. Noa ut commentaar op mien litste verslaag was ich auch ff van slaag. Gelukkig geit ut nou wel wir get beater. Vurrige weak heat ut Pieter Baan Centrum contact mit mich opgenome um te vroage of ich mien digitale pen wir op woj pakken. Ut gemis van deze onzin leet zich beaj ut PBC veule doordet minse compleet door aan ut dreaje waren umdet ze neet mier koste poepen op ut werk, en zoedoende psychische klachten kregen. Nou bin ich de beroerste neet en vandaar dus wir un stukske kwats. O ja, en unne collega verslaaggeaver, dea overigens anoniem wilt blieve, heat veelvuldig aangedronge det ich maar gewoen wir mos goan sjrieve en det wea boven censuur en commentaar motte stoan. 

Good we beginnen zoeals altied op de vriedigoavend. 13 man sterk onger de bezielende leiding van TrainerStan. Beginnen mit un pass en laupvormpje, dan un positiespel mit aafwerken (zonger aanpassingen want ut leep eigenlijk good), doarnoa un aafwerkvorm dea op werkelijk magistrale wieze wurd veurgedoan door TrainerStan zelf. En het huzarenstukje is de aafsloetende partij. Mit un leuke afwerkregel op de E goal. Oet unne hoejge veurzet scoren. Geweldig bedacht TrainerStan, echt leuk en veural hiel erg lierzaam.
Doarnoa kleintje pils kantine!

Op zonnig trokken we mit 13 man ten strijden richting Wiërt. Mickey help os oet, umdet Sam "Alisson" Beckers zich in hoejgere sferen ronk dwarrelt. Kersten, Nicknack aafwezig umdet ze moste Hummer rieje. Net zoals vriedig merkte ze al op det ut lekker werm waas. Unne pittige warming up dus. Ff over det doeje punt heen en dan mot ut good komen. 

De widstried start en de irste 30 mimuten hebben wel get wig van zomeroavend voetbal. Weinig beleaving, weinig beweging en weinig druk. We speulde wel get kansjes oet maar gescoord werd dr neet. Noa det half oor gingen we iets mier druk zitten en ut begos wir ergens op te lieke. 

In de rust ruilen Sjors en Itijlia van positie um zoe iets mier grip te kriege. Direct noa rust kriegt Oda unne onterechte vreaje trap dea boven op de lat vilt. Nou zien we wakker! We veure de druk op en goan zoewaar auk nog ballen overspeule. Sjors kin vreaj doorlaupe en wird in de ruk gedouwd, hea geit liggen maar volgens de scheids, dea auk al 8 widstrieden beaj Oda 2 heat gespeuld, waas dr niks beaj... Grlukkig komen we kort doarnoa via unne, jawel let op, hoejge veurzit koppend op 0-1. Itijlia knikt binnen. Vervolgens kumt auk Oda iets beater in de widstried, maar H3 heat de zaakjes verdedigend prima op orde. Als TrainerStan dan unne bal van Kick veur zien veut kriegt rost dea de bal in de kruutsing, 0-2! H3 op roëze. Dan wir un topmoment. TrainerStan lanceert zichzelf door de bal um de litste man te speule, Ties in boetespelsituatie blieft van de bal aaf en TrainerStan kumt allein veur de keeper. Boetespel! Wow, det is wel hiel knap um oet unne eigen pass boetespel te laupe. Ff oplitte de volgende kier. Dan nog un hachelijk momentje achterin beaj H3. Captain Tunke wilt unne bal wigwerken of neet, wit hea zelf auk neet mier. De aanvaller van Oda ontfutselt de bal en kumt op Mickey aaf. Dea liekt de aanvaller te raken, maar de scheids guft auk heaj ginne pingel. Zal wel un goedmakertje zien dan. Dan gojt TrainerStan de widstried definitief in ut slot. Via umne solo kumt hea samen mit Ties vreaj veur de keeper, hea kin de bal breid leggen maar ramt um zelf tegen de touwen. Auk good. 0-3! 3 belangrieke punten in de tas. Wederom un weekje op de 2e plek. ZSV 3 is gister overtuigend kampioen gewore, dus de felicitaties goan noar Zeilberg! Nog 4 widstrieden proberen de 2e plek vast te hoije en wea mogen os opmaken veur de noacompetitie. Iets wat toch un bizarre prestatie zou zien van H3.

Overigens weit ich neet hiel zeker mier of alle widstriedfeiten kloppen. Loate we mer zeggen det ut un zwoar weekend waas. Unne Supersunday in de kantine mit gelukkig hiel get mier punten veur de blauwe teams dan de vurrige kier.  In un stralend zunke werden de irste gerstenatjes noar binnen gewerkt. Noa de winst van H1 op Beringe werd ut feestje binnen compleet gemakt door Dj Ronnie. Dr komen nog belangrieke weake aan in Dörp nou det de competities op zien einde laupe. 

Veur os begint det volgende weak tegen angstgegner Ospel. Die hebben in de oetwidstried eindelijk unne kier verslagen en nou hopen det we 2x kinne winnen in ein seizoen van die angere blauwe. 

Als eamus of iets zich aangevallen vult door dit verslaag dan heb ich wel unne tip. Trik dien sjoon en zuk oet en sjup dan mit diene kleine tiën tegen de toafelpoët. Of gank Hummer rieje.

Tot de volgende weak!