Jaja we zien dr wir...

De allerlitste van ut joar, en wat veur eine. De allerstomste van ut joar. De meest versjrikkelijke van ut joar. Oftewel de oetwidstried teagen RKSVO 2. Ozze angstgegner. De mannen die de duels neet schuwen (en doar altied good mit wigkomen), de ploog die dich ut geveul guft det dr get te halen is, maar auk wir neet. Litste 7 joar neet mier van gewonnen. Bah bah. Zin in!

De vriedigoavend werd dr neet getraind. Maarliefst 6 speulers van H3 mochten H2 oet helpen mit ut oetvoetballen van ut restant van de widstried teage SC Irene 2. Inmiddels beaj idderein wel bekind wat de reden van staken is. Rens, vanoet H3 auk veul sterkte mit dien revalidatie! Helaas waas de toevoeging van de 6 van H3 neet genog um un punt mit te nemen want in ut half oor wat nog gespeuld werd scoorden beide plooge nog 1x. En ut stong 1-0 veur SC Irene. Woar H2 speulers van H3 dr in heaj stoan, waas det beaj Irene mier als de hilft van ut 1e. Maar goed det zult gea nog wel leaze beaj ut verslaag van ut 2e...

Woar wea H2 oet hebben geholpen op vriedig, zou ut op zonnig angersum zien. Ties, Niels en Weslie zien dr beaj en bijna vaste oproepspeuler Thijs P. is van de partij. Eddie makt ut team compleet en zoe zien we mit 14 man. 

In de auto weare dr wederom filosofische vroage gestild zoals; "Is Ospel eigenlijk un durp?", "Kinse eigenlijk poepen asse aan de blinde derm bis geopereerd?" Ich heb ut dink ich al vaker gemeld, maar ich dink as SBS6 gewoen is un camerateam mit steurd mit os, dan hebben die Meiland en Gillis neet mier nuddig. Ut is werkelijk fantastisch wat veur unne onzin dr mit groëte regelmoat oet gekroamd wurd!

Inmiddels zien we in ut durp Ospel aangekomen veur ut treffen mit ozze angstgegner. Warming up moste we in de pannakooi van Ospel doon. Nicknack woj neet noar de poort laupe, want die waas toch dicht. Gewoen open dus we koste aan de slaag, nog net neet de zwumslaag. Wat un dramatisch (trainings)veld. Maar goed det zal beaj os neet veul beater zien. Noar umstandigheden unne goije warming up! Prima oetgezat door Coach Tiesse. Koeiekop waas aafwezog wegens de verjeurdaag van zien dochter, proficiat Marie! 

Al ozze backs zien aafwezig vandaag. Dus Niels en Lars stoan back en Frankie schuuft ein linie noar achter samen mit Tunke. Eddie, Nicknack en Struip vormen ut middenveld wat de (veld)slaag op ut middenveld mot goan winnen. En TrainerStan, TiesH3 en RaheemBluijssen motte veur de goals zorgen!

De irste 5 minuten waas ut ff organiseren, weam pakt weam. En weam sjiuft dr door. Logisch mit alle wisselingen. Noa un 10 minuten komen we wel ietskes beater in ut spel. Maar echte kansen zien dr nog neet. Dan de irste waardeloze tackle van de widstried. Op ut middenveld wild inkomen op de kneuk van Frankie. Gelukkig heaj dea ut in de gaten en stong hea neet vast, want angers heaj dea samen mit Rens unne rolstoolrace kinne hoije deze weak. Scheids zuut ut mer bestraft ut neet mit un printje. Jaja we zien dr wir. Zoe geit ut altied. Good doorkomen van TrainerStan zorgt veur un (neet) te missen kans veur Raheem. Allein sjuut dea um tegen TiesH3 aan woardoor de bal dr neet in geit. Jaja we zien dr wir, zoe geit ut altied. Beaj de volgende Ospelse aanval is ut dan wel raak. Tunke geit ut duel mit de spits aan en wint, maar als hea noar de vreajgekomen bal wilt goan sjuuft hea iets wig. De 2e Ospel speuler kumt vreaj door en halt direct de trikker over woardoor Sam kansloos is. 1-0. Jaja we zien dr wir... Op ut moment det we de widstried good onger controle hebben gebeurt dit wir. Gelukkig kriege we 2 minuten noa de goal unne vreaje trap. Tunke sjuut um liëg in de hook en de keeper kin um nog tegenhoije, maar Eddie is alert en prikt de rebound binnen. Lekker!! TrainerStan is umne ware plaag veur de Ospelse back en dea probeert um wel te sjuppe maar det lukt um zelfs neet. Dan trapt de oet ut kabouterbos ontsnapte kabouter Lars nog ff noa en kriegt geal?? Struipie likt de ganse hilft get te vechten mit ziene tegenstander en de widstried ontvouwd zich precies zoals we gedacht hebben. Dan nog net veur rust un actie van Raheem. Aanvoerder Ospel trikt aam de noodrem en goijt zien bein umhoejg um Raheem te stoppen. Dea valt, mer steit auk wir op en sjuut de bal kiezelhel in de korte hook binnen. Helaas heat de scheids al gefloten veur unne vreaje trap. Dea baalt natuurlijk auk, maar idderein makt fouten. Geale kaart veur de aanvoerder en doar moog hea erg bleaj mit zien. Volgens de regels, en det zou de scheids in de rust auk toegeave, waas roëd de enige gepaste straf geweest. Rust. 

Dr zien links en rechts get pijntjes maar we goan mit dezelfde 11 door. Lars mot noa 5 minuten toch de strijd opgeave en lut zich wisselen. IJzeren Thijs kumt op linksback en zou dit noar behoren doon. Frivole Frankie spult dan Sam unne bal truuk, iets te nonchie bliekt achteraaf. De spita van Ospel geluift wel in det belke en is net iets ierder as Sam beaj de bal. Pingel. Auk doar heaj un prentje kinne vallen. De pingel geit dr in en ut steit 2-1. Ut geluif is ff wig beaj de Dörpers. Bietje zanniken en greeke, maar neet mier voetballen. Onger aanvoering van Frankie goan we get mier risico nemen en sjuuve de backs en centrale vaker door. Tunke pikt unne aafgeslaage bal op en begint zowaar unnd solo, mit un leep wippertje dolt hea unne man in de 16 en behult ut overzicht. TrainerStan kin um zoe binnen prikken, maar doar heat hea auk 2 pogingen veur nuddig, mer wel 2-2 jaaaaaah!!! Helden ruukt blood en drukt door. Mit verse kracht TiesH2 veur de moegestreden Struip is ut geluif dr auk wir. Aanvoerder Ospel waas op det moment auk al gewisseld. Doardoor leek de organisatie auk verdwenen beaj die oet D'oospel. Mit volgens CoachTiesse un nuddige risico drukken we door en kriege we nog wel get kansen. Hè TiesH3... Weslie inmiddels auk binnen de liene (vriedig H2, zatterdig H1 en zonnig H3!?l) wurd noa un prima actie lekker slum neergemeijd en auk wea kriege unne pingel. Frankie, beaj ontbreake van Struip, pakt de verantwoordelijkheid en deponeerd ut belke un ut netje. Lekker lekker. Zou ut dan toch unne kier... minuutje 82 of zoe. De ruumtes weare grotter en grotter en H3 speult ut prima oet. Gin gekke dingen en lekker ut belke loate laupe. Ties wurd ein op ein mit de keeper gezat en door ut missen van zien vurrige kans kiest hea veur safe, en speult de bal breid op de mitgelaupe TrainerStan. 2-4. Jippiekajee m#therf@ckers!!! Eddie kin zoch nog onsterfelijk maken door unne bal van 40 meater inins op de slof te pakke, maar helaas geit de bal net, maar dan auk echt net langs. Jammer joh! 

Noa de widstried uitzinnige vreugde beaj ut Dörper kamp en ut irate oet overwinningspilske is un feit! En gvd wat smakte dea (ondanks Jupiler) good! 

Op de ganse truukweeg heat de Nicknack os beaj geproat over zien monster. Eigenlijk is dea nog op zeuk noar un stuk gronk (akker, weiland anders namelijk...) mit get reliëf aub. Want de wagen mot vleege, snapse. Ja jaah! En det geit neet op ut veldje beaj hum veur, want dan knalt hea teage de auto van de buurman aan. Wat overigens auk ergens teagenaan knalde; Struip heaj un scheetje geloate veur de widstried. Maar u raadt het al, naat puupke! Toch mer ff veage. 

Beaj de Pool werden dr nog un paar genomen en ut is officieel winterstop. Over 3 weake beginnen we wir mit trainen??!! Auk lekker. De rollatorboys van H3 kinne ff beajkomen en de kneuk door de medische specialisten noa loate kieke um in Januari wir fris en fruitig dr tegen aan te goan. Un 3e plaats op de rangliest (op verleespunten zelfs 2e) is un keurige prestatie veur un neet selectieteam. 

Mocht zich nog unne trainer, fanatiekeling, weijepoal of veurwerkgoijer zich gerope veule um os op vriedigoavend aaf te blaffen loat ut via un reactie in ut Heljes Bledje weite. 

Veur nou alvast fijne dagen en unne goije roetsj! 


En tot in 2024!