Det is al de twidde kier op weak!

Good murning!

Asse dit verslaag wils goan leaze mit un pleisterke um diene kleine tiën, dan kinse mesjien noa problemen mit dit verslaag un klein tengske pakken en 7 tiënnagels dr aaf trikke. Desse ut ff wits. Noa ut (wir) oppakken van de digitale pen heb ich diverse complimenten binnen gekregen, en det duit unne verslaaggeaver good. Neet allein mer in ut negatieve, maar auk ut positieve. Later doarover nog mier...

We beginnen zoals altied wir op de vriedigoavend. Ut einde van un zwoare werk- of sjoelweak. Dit os dan auk weakelijks te merken aan ut niveau. Neat direct qua voetbal, maar mier qua gedraag en verstank. Oetspraken die kant nog wal raken en gank zoe maar door. TrainerStan heaj wir zien bist gedoan um os te liere voetballen. De Bobby pre-season conditieoefening stong wir op de planning. 13 man sterk dus un goije verdeiling is dan lastig, maar um 5 man in ut midden te loate stoan en 8 aan de boetekank, sleit natuurlijk wir nergens op. Kleinigheidje en det wurd door ut zelfsturende H3 vakkundig opgelost. Hulde! Doarnoa woj TrainerStan un mit un leuke afwerkvormpje in competitieverband de sfeer en beleaving opkrikke. Beaj 1 team is det gelukt, det angere team stong mit sjoem op de bek te janken det ut allemoal neet ierlijk waas en noeit kos kloppen. Makt niks oet, 150x opdrukken! Dan ut hoejgtepunt van de oavend...

Unne bal door de lucht over 25 meater. Aannemen in un vakje van 3 beaj 3 en dan aafwerken. Weam dr ut irst 10 in heat. 5 minuten later noa welgeteld 0 goals beaj keeper Tunke, ging keeper Ekkel in de goal stoan. Irst beaj de 3 makte TrainerStan dr mer van. Bleek det Ekkel unne verre neaf van Gianluca Buffon bliekt te zien. De schoten werden (aaf en toe) beater, maar Ekkel plukte de bel mujteloos oet de kruutsing. #samout. Oeteindelijk scoren is winnen. En Cupfighter Delano ramt de bal dr op un werkelijk fantastische  manier dr in. Zelfs Ekkel kansloos. Of waas ut kansloos? Makt neet oet, we hebben gelachen. Doarnoa um 22:15u nog ff un partijtje. Burb sjaaft als vanouds alles wat los en vast zit. Kalfkop (witse wel dea van de hockeyharem), toch unne redelijk intelligente jonge mins geacht, kroamt dr mich wir get oet. Eey Burb, det is al de 2 kier op weak! Good verhaal Kalf, gank mer wir truuk in dien opfokhok. Noa de training geit ut veural over Sjors ziene make-a-wish daag op zatterdig en zondig. Lekker Hummer rieje. Idderein stik jaloers natuurlijk. Ut is dich gegunt Sjors! Wea rollen Ospel wel op. O ja, en lekkere bal Kalf!

Op zonnig zoegezagt thoes teage Ospel 2. Witse wel ozze angstgegner, dea neet mier ozze angstgegner is. Sjors Hummer rieje en Sam #out zien dr neet beaj. Pis wurd bereid gevongen um te goan keepen en zoe hebben we 3 man op de bank zitten. Veuraaf wurd aangegeave det dr wederom mer ein ploog is die nog ergens veur spult. En det zien wea! Plaats 2 zullen we motte proberen vast te hoije. Ospel spult nog veur de ier, dus we zien eavegood wir op sjerp gezat.

We lieke slapjes te beginnen, maar det kumpt volgens mich umdet we neat gans good stonge. Weinig druk op de litste lien van Ospel woardoor die mekkelijk de hoejge backs en/of middenvelders in kosten speule. Neet de Ospel nou kans op kans kloar speude, maar de irste minuten waren veur Ospel. Doarnoa stapte we iets noar veure en heaje we de verdediging stoan. En zowaar kregen wea un overwicht. Burb jaagt door, herovert balbezit en staumt door noar veur. Doar bedint hea Kick en ut steit 1-0. Zoe mekkelijk kin ut zien. Lars vingt ut allemoal te mekkelijk goan en sjat unne bal verkierd in. Rappe tuinkabouter van Ospel kumt via de punt de 16 in en moog ut mit Pis oetvechten. Dea makt de goal klein en ut schot valt op de winkelhoak in ut zijnet. Oke, ff sjerp blieve. TrainerStan waas wir beaj vlagen op de brommer en oudegediende aanvoerder van Ospel duit wat hea altied duit. Sjuppe, helaas veur hum binnen de 16 dus de good fluitende scheids legt de bal op de stip. Struipie blieft koel en plaats de bal tegem de touwen. 2-0, H3 op roëze.Itijlia prikt 5 minuten veur rust de 3-0 nog binnen. En noadet ein van de Ospel speulers geblesseerd oetvalt zeuke we iets ierder de thieje op. Betersjap namens H3! 

Lachen, gieren, brullen in ut kleidlokaal want ut geit eigenlijk wel hiel mekkelijk vandaag. Prima natuurlijk, maar de immer optimistische Tiesse waakt toch over zien selectie. Blief oplitten, blief voetballen en die goan komen. Det zien de standaard zinne die we huure. Klopt natuurlijk wel, dus we weite wat we motte doon. 

Umdet dr bis veul goals zien gevallen weit ich neet mier weam de goije pass op Tijl goof, maar Tijl wurd good deep gespeuld en spult vreaj mekkelijk ziene tegenstander oet en sjuut vervolgens keurig de 4-0 hel tegen de touwen. Noa un kleine 10 minuten in de twidde hilft liekt de widstried definitief in ut slot te vallen. Lars en Stan goan dr oet en Peute en Ties komen dr in. Vreaj snel noa de wissels moog Ospel vreaj veurzitte en Kalfkop wurd in de lucht geklopt en zoewaar kumt Ospel op 4-1. Ut beteikende gelukkig neet de wederopstanding van Ospel. Maar de echte wil um meaters te maken waas beaj H3 auk wel wig woardoar dr neet hiel veul mier gebeurde. Kick dacht nog ff truuk aan vriedig en, ut liekt zien handelsmerk te weare, ramt de bal van un 25 meater hel in de linkerbovenhook. Schitterende goal en TrainerStan zit glunderend op de bank. Wir un trainingsgoal! Dan omtsteit dur get consternatie langs de lien. Koeiekop en Tiesse zien zichtbaar zenuwachtig aan ut overleggen. Nog 5 minuten te speule. En waas ut neet zoe det ut irste seniorenteam det mit 5-2 wint un vaat beer kin verdeenen? Ut steit 5-1... overleg. Un paar speulers zien wel te porren, maar dr zien dr auk die ut neet willen. Captain Tunke lut ziene man wel hiel mekkelijk wiglaupe (3x roaje, beaj welke paar speulers dea huurde) de veurzit kumt, maar Pis lut de volledige vreaje spits de bal neet kriege. Ut is auk ginne kermis op ut veld! Dan tikt Kick ziene 3e nog ff binnen en de 6-1!! tegen Ospel steit. 

3 belangrieke punten in de strijd um plek 2. Merefeldia verluust en zou stoan we 5 punten veur op heur. De Braak steit op 4 punten maar die hebben al un periode dus mochten die 2e weare dan is plek 3 auk good veur un noacompetitie ticket. 

Un prima weekend dus wir. H1 liekt volgende weak ut kampioensjap binnen te halen, succes vanoet H3 alvast! H2 kruupt steeds mier umhoejg en moog auk nog hopen op un toetje. De veteranen winnen aafgeteikemnd van Kepel. De aanvoerder van Ospel stopt dr mit en als klap op de veurpiel gimg ich gisteroavend ff checke wat de sjaai van ut weekend waas. Tot mien groëte verbazing heaj de Nederlandsche Loterij Organisatie mich op de 11e al get kermisgekd overgemakt. Hielemoal prima!

Aankomende zonnig goan wea op bezeuk beaj de kampioen ZSV. Doarnoa sloete we wir ut verjeurdaagsvaat aan en kieke we hoe H1 de titel binnen halt. Dan kin ut fiëst echt los in de kantine en doarnoa op de kermis!!!

Tot de volgende weak... kin iets later zien ivm onvoorziene umstandigheden. 

O ja; H3 is te herkennen aan de kansloze hoedjes die ze op hebben. En aan de apengeluiden waarsjienlijk!

O ja 2; ich zou nog ff truuk kome op de negatieve en positieve. Tiesse likt allein maar te zeike op vlagger Sjahrs en det is neet ierlijk. Dea bal waas neet oet dus logisch det Sjahrs vlagt en als unne bal neet veuroet gespeuld wurd kin ut gin boetespel zien. Al vingt Sjahrs van wel. Makt niks oet, als vlagger mosse un bietje "angers" zien... dreaj ut is um!