Koplauper verslikt zich in ut leger van Stan

Oke genog inleiding wir! Truuk noar de vriedigoavend. Nog steeds ginne trainer. Coach Tiesse stilt op woensig de vroag of eemus de training wilt veurbereiden. ScoopyStan pakt zien kans en lut unne lang gekoesterde druim oetkome. De overige speulers zien al bang veur unne stormbaan op de Koeberg, maar niks is minder woar. Un prima training wurd de soldoaten van H3 veurgesjotteld en de bereidheid um fatsoenlijk te trainen waas beaj idderein aanwezig. Prachtig stukje zelfsturing. Natuurlijk neet ideaal, maar we maken dr mer ut biste van. Zoals Ed Sheeran zou zeggen wat A-team! Maar ja 3e dus gin selectie Edje S!

Veur de zonnig heat coach Tiesse aafmeldingen van de Nicknack, Kalfkop, Kickfresch en Itijlia. We hebben dus 11 eigen, des redelijk krap. Dus Tiesse heat de ganze zatterdig gebroekt um speulers te sjarteren. Oeteindelijk lukt ut hum um beaj Tinus Boele en Roelie P. te strikken. Al snel wird duudelijk de H5 ziene sterspeuler neet kin missen (snapse niks van!). Boele zit nog aan de gerstenatjes en guft aan det hea wel mit wilt doon, maar neet topfit zal zien. Beer en de widstried van de veteranen zien doar de oorzaak van. Dus we hebben eine reserve. Lars is bereid um unne speegel mit te nemen en Struip zuut 2x Lars en is wederom ff de kluts kwiet. Nea ut waas gin speegelbeeld van Lars, mer twielingbroor Niels dea vanoet de JO19 os kumt versterken. Struip nog steeds kwoad op Lars umdet hea gin hoije zei vurrige weak onger ut zoepe. Maar det waas Lars dus niet bliekt nou. Supergrappig, maar ut verslaag waas vurrige weak al kloar toen dit gebeurde.

Koplauper De Braak 2 kumt mit de volle buit aan punten noar Dörp, dus we kinne wel get verwachten. Coach Tiesse mist un dubbelfunctie en pakt geliek ut assistent leiderschap van Koeiekop (weekend mit de baas wig) op. Dan is Sjaaahrs vriedig toes nog tegen de lamp gelaupe en mot hea nog ff tot 12 oor beaj komen op zonnig. Dus Tiesse kin auk nog ff vlaggen. Lekker man. Overigens heat Frankie ziene kop vriedig auk nog dicht motte plekke. Dea is tegen un oetsteakende vlizotrap aan gelaupe. Auk lekker!

Warming up is prima te neume en H3 liekt kloar veur de strijd tegen de kattemeppers. Ut idee is um De Braak irst get te loate kome um te kieke wat die doon. En eigenlijk stoan we direct wel good. We komen good in de duels en de meeste twidde ballen zien veur os. Kansjes over en weer, woarbeaj de eindpass en/of bal net neet good kumt. H3 is veural via de flanken gevierlijk en oeteindelijk kumt de veurzit van rechts en Sjors steit iets binnen de 16 en knalt via unne volley de bal tegen de touwen. Verdint op 1-0 tegen unne toch iets nonchalant augende koplauper. Dan zullen ze nou wel mier komen is de verwachting. Det waas auk wel zoewe, maar ut piepte en kraakte neet beaj Dörp. De Braak begint zich get te irriteren. Veural Sam “Alisson” Beckers mot volgens de 9 van De Braak stoppen mit tiedrekken. De keeper moog de bal natuurlijk gewoen aan de voot hoije en als de tegenstander gin druk zit, moog dea det zelfs kei lang doon. Maar goed de spelregelkennis is neet overal hielemoal up to date. Auk wilt de 9 nog unne pingel umdet hea ongeroet gesjupt wurd. Hea rakt zelf de bal totaal verkierd en meijt zichzelf ongeroet, maar det heat de scheids natuurlijk auk gezeen. Aan de angere kank wurd Struip noa unne vrije trap vreaj gespeuld in de 16 en wurd hea toch aardig umgedouwd. Maar auk heaj handelt de scheids neet. 1-0 de rust in.

Begin twidde hilft speule we mesjien wel ut biste voetbal van de daag. Irste hilft waas ut hiel onrustig en nou leek ut alsof we de rust heaje gevonge. Auk nou kwamen we wir vaker via de boetekank door en werd ut auk gevierlijk. Bal op de poal van Trainer ScoopyStan en auk Sjors kwaam un paar kier gevierlijk door. Veural de dubbele ein-twieje mit Ties was un prachtige aanval. Dan wurd dr noa un 20 minuten in de twidde hilft eine blauwe neergelagt binnen de 16. Terechte penalty is ut gevolg. Vurrige weak miste captain Tunke nog, det zal nou toch neet wir gebeure. Oh wacht de kinger kloppen op de kelderdeur. Dr mot dr eine pisse. Dju. Oke ich heb unne eimer de kelder ingegoijt ich kin wir verder mit ut verslaag. Frankie ramt de bal dr in. 2-0! Yess. Vlagger van De Braak vlagt nog veur boetespel, mer det is lastig als de bal van de keeper van De Braak aafkumpt. Geldig doelpunt dus. H3 zit op roëze. Det wiejt ik-ok neeh! Mit ut doorsjuuve van de litste man probeert De Braak veurin get te forceren. De verdediging van Dörp steit vandaag als un hoes dus det is neet genog. Dan bringe ze nog unne vent van 2 meater groët en veural breid, auk deze kumpt in de spits dr beaj. Boele en Niels zien inmiddels auk al ingevallen en de druk wurd steeds grotter, mer we hoije de poort nog steeds gesloten. Un 10 minuten veur tied kriegt de ingevallen tank de bal in de veut en dea eine kier det hea mit de neus noar ozze goal steit stampt hea de bal keurig in de lange hook. Prima goaltje huur. Allein neet zoe gunstig veur os. Ut wurd nog ff billenkniepe veur de blauwe, maar oeteindelijk pakken we de 3 punten. Heerlijk! De droeftoeter van vurrige weak kin wir de kast in (mesjien motte we dea mer gewoen wigflikkeren) en de loftrompet is dr wir. Volle bak inzit van idderein en dan zuuse des veur neemus bang hoofs te zien. Overwimningspils kin wir gehald weare en Sjors kriegt de halve liter veur MotM. Ut Edje uh adtje geit dr mit de Eyes Closed bijna in.

De derde hilft in de kantien/Beringe zal wel wir gezellig geweest zien aangezien de stickers op de app neet beaj te hoije waare. 54 appjes binnen un kwarteer, dan witse genog. Volgende weak hebben we rust en zullen wea auk neet trainen. Coach Tiesse guft os prestatieverlof maar de meeste zullen zich vriedigoavend eavegood beaj de club melden um 18:30. Wat un sportmen zien wea toch auk!

Oh ja ich zeen nou det ich un stukske bin vergeate in alle heisa umtrent ut pissen. Tunke sjuut de pingel beater in dan de vurrige, mer de keeper van De Braak kiest de goije hook. In de rebound is Tunke net get sneller en sjuut tegen de keeper op, woarnoa de volgende rebound door de alerte Frankie binnen gesjoten wurd.

Tot over 2 weake!